બાળકની શિક્ષણની ચિંતા કરો દૂર: સ્ટેપ-અપ SIPથી ફ્રી શિક્ષણ અને 50 લાખની બચત, જાણો ફોર્મ્યુલા

Financial Planning: બાળકની શિક્ષણની ચિંતા દરેક માતા-પિતાને સતાવે છે. શાળાની ફી અને ઉચ્ચ શિક્ષણનો ખર્ચ દિવસેને દિવસે વધી રહ્યો છે. પરંતુ નાણાકીય નિષ્ણાતો એવી યોજના સૂચવી રહ્યાં છે, જે શિક્ષણનો ખર્ચ ઉઠાવવાની સાથે 50 લાખથી વધુની બચત પણ કરાવી શકે છે. આ યોજના છે સ્ટેપ-અપ SIP, જે એજ્યુકેશન લોનની ઝંઝટથી મુક્તિ અપાવે છે.

સ્ટેપ-અપ SIP શું છે?

નિષ્ણાંતોના મતે, જો તમે બાળકના જન્મથી દર મહિને 10,000 રુપિયાનું નિવેશ શરૂ કરો અને દર વર્ષે તેને 10% વધારો, તો 10 વર્ષ પછી તમે નિવેશ બંધ કરી શકો છો. આ પછી, બાળક 10થી 22 વર્ષનું થાય ત્યાં સુધી દર મહિને 25,000 રુપિયા શિક્ષણ માટે ઉપાડી શકાય છે. આ યોજના 12% ચક્રવૃદ્ધિ વાર્ષિક વૃદ્ધિ દર (CAGR) પર આધારિત છે.

ગણિત સમજો

એજ્યુકેશન લોનની તુલના

જો તમે 36 લાખ રુપિયાની એજ્યુકેશન લોન લો છો, તો 11% વ્યાજ દરે 10 વર્ષની EMI લગભગ 50,000 રુપિયા મહિને થશે. આ SIPની રકમથી બમણી છે અને તેમાં વ્યાજનો ભારે બોજ પણ સામેલ છે. સ્ટેપ-અપ SIP આવકની વૃદ્ધિ સાથે મેળ ખાય છે, જેમાં 10મા વર્ષે તમે વાર્ષિક 2.8 લાખ રુપિયાનું નિવેશ કરી રહ્યા હશો, જે પ્રમોશન અને પગાર વધારા સાથે સરળતાથી શક્ય છે.

નિષ્ણાતની સલાહ

નિષ્ણાંતોના મતે ઓછા ખર્ચવાળા ઇન્ડેક્સ ફંડનો ઉપયોગ કરો, હંમેશા ઇમરજન્સી માટે લિક્વિડિટી જાળવો અને દર વર્ષે તમારી પ્રગતિની સમીક્ષા કરો. આ યોજના ન માત્ર શિક્ષણનો ખર્ચ ઉઠાવે છે, પરંતુ બાળકના ભવિષ્ય માટે પણ મજબૂત નાણાકીય આધાર પૂરો પાડે છે.

સ્ટેપ-અપ SIP એક એવી સ્માર્ટ નાણાકીય યોજના છે, જે શિક્ષણની ચિંતાને દૂર કરીને તમને નાણાકીય સ્વતંત્રતા આપે છે. માત્ર 10 વર્ષના નિવેશથી તમે બાળકનું શિક્ષણ ફ્રી કરી શકો છો અને લાખો રુપિયાની બચત પણ કરી શકો છો.

આ પણ વાંચો-મુખ્યમંત્રી ભૂપેન્દ્ર પટેલની દિવાળી ભેટ: રાજ્યના કર્મચારીઓ માટે મોંઘવારી ભથ્થામાં વધારો