કોમોડિટી બજાર: સોના-ચાંદીમાં ઘટાડા સાથે કારોબાર, ક્રૂડમાં વધારા સાથે કારોબાર

સપ્ટેમ્બરની બેઠકમાં US ફેડ વ્યાજ દરમાં વધારો અટકાવે તેવી આશાએ સોનાની કિંમતોમાં રિકવરી જોવા મળી, જ્યાં કોમેક્સ પર સોનાનો ભાવ 1966 ડૉલરની ઉપર પહોંચતો દેખાયો, તો સ્થાનિક બજારમાં પણ પોઝિટીવિટી દેખાઈ રહી છે. આ સાથે જ સરકારે સોના પરની બેસ ઇમ્પોર્ટ ડ્યૂટી 10 ડૉલર પ્રતિ ગ્રામથી વધારી, જ્યારે ચાંદીની બેસ ઇમ્પોર્ટ ડ્યૂટી 62 ડૉલર પ્રતિ કિલો ગ્રામથી વધારી છે.

ત્યારે સોનાના પગલે ચાંદીમાં વેચવાલીનો કારોબાર જોવા મળ્યો. જ્યાં કોમેક્સ પર પોણા ટકાના દબાણ સાથે 25 ડૉલર નીચે કારોબાર જોવા મળ્યો. તો સ્થાનિક બજારમાં પણ અડધા ટકાની આસપાસ દબાણ જોવા મળ્યું.

નેચરલ ગેસમાં શરૂઆતી દબાણ યથાવત્ જોવા મળી રહ્યું છે. સ્થાનિક બજારમાં કિંમતો આશરે 3 ટકા ઉપરના દબાણ સાથે 222 પર પહોંચતી જોવા મળી.

બેઝ મેટલ્સમાં પણ વેચવાલી તરફી કારોબાર કરી રહ્યું છે. જ્યાં સ્થાનિક બજારમાં તમામ મેટલ્સમાં દબાણ આવતું જોવા મળી રહ્યું છે. જ્યાં LME પર પણ તમામ મેટલ્સમાં દબાણ જોવા મળ્યું.

મસાલા પેકમાં તેજી સાથેનો કારોબાર જોવા મળી રહ્યો છે. જ્યાં જીરાની કિંમતો બે સપ્તાહની ઉંચાઈ પર પહોંચતી જોવા મળી. તો ધાણામાં પા ટકાની તેજી જોવા મળી પણ હળદરનો કારોબાર એક ટકા આસપાસની તેજી જોવા મળી રહી છે. ત્યારે ગુવાર પેકમાં નરમાશ યથાવત્ જોવા મળી રહી છે.