કોમોડિટી બજાર: સોના-ચાંદીમાં દબાણ સાથે કારોબાર, ક્રૂડમાં ઘટાડા સાથે કારોબાર

ડૉલર ઇન્ડેક્સમાં અને યૂએસ બોન્ડ યીલ્ડમાં આવેલી મજબૂતીના કારણે ફરી સોનામાં ઉપલા સ્તરેથી ઘટાડો નોંધાયો, જ્યાં કોમેક્સ પર ભાવ 1973 ડૉલરના સ્તરની નીચે આવ્યા, તો સ્થાનિક બજારમાં લગભગ અડધા ટકાના ઘટાડા સાથે 60,396 ના સ્તરની આસપાસ કારોબાર જોવા મળી રહ્યો છે.

સોનાને પગલે ચાંદીમાં પણ દબાણ જોવા મળ્યું, જ્યાં વૈશ્વિક બજારમાં ભાવ 23 ડૉલરની નીચે યથાવત્ રહ્યા, તો સ્થાનિક બજારમાં આશરે અડધા ટકાથી વધુનો ઘટાડો આવતા 71,120ના સ્તરની આસપાસ કારોબાર થઈ રહ્યો છે.

સ્થાનિક બજારમાં નેચરલ ગેસમાં ઉપના સ્તરેથી દબાણ બનતું જોવા મળ્યું. જ્યાં પોણા ટકાના દબાણ સાથે કિંમતો 269 પર પહોંચતી જોવા મળી.

ગઈકાલની રિકવરી બાદ આજે ફરી LME પર કોપરની કિંમતોમાં દબાણ બન્યું, જ્યાં મજબૂત ડૉલર ઇન્ડેક્સની અસર દેખાઈ રહી છે. અહીં મોંઘવારીનું દબાણ, ભૌગોલિક તણાવો અને ઉંચા વ્યાજ દરોના કારણે તમામ મેટલ્સની માગ પર નેગેટીવ અસર દેખાઈ રહી છે.

એગ્રી કૉમોડિટીની શરૂઆત કરીએ ક્રૂડ સનફ્લાવર ઓઈલથી તો, સૂત્રોથી મળતી માહિતી પ્રમાણે ncdex પર ક્રૂડ સનફ્લાવર ઓઈલના વાયદાને મંજૂરી મળી ગઈ છે. 12 નવેમ્બરના દિવસે મુહૂર્ત ટ્રિડિંગના સમયે લૉન્ચ થશે ક્રૂડ સનફ્લાવર ઓઈલનો વાયદો.

મસાલા પેકમાં મિશ્ર કારોબાર યથાવત્ જોવા મળી રહ્યો છે જ્યાં જીરાની તેજી આગળ વધતી જોવા મળી તો હળદરમાં ઉપરના સ્તરેથી દબાણ બનતુ જોવા મળ્યું. જ્યાં ધાણામાં પણ દબાણ યથાવત્ જોવા મળી રહ્યું છે. ગુવાર પેકનો કારોબાર પણ લાલ નિશાનમાં જોવા મળી રહ્યો છે. ત્યારે કપાસિયા ખોળમાં પોણા ટકાનું દબાણ બનતુ જોવા મળી રહ્યું છે. એરંડા અડધા ટકાની તેજી સાથે કારોબાર જોવા મળી રહ્યો છે.