કમોડિટી લાઇવ: કાચા તેલમાં મજબૂતી યથાવત, સોના-ચાંદીમાં નાની રેન્જમાં કામકાજ

OPEC બાદ EIA દ્વારા પણ ક્રૂડની માગ વધવાના અનુમાને કિંમતોમાં તેજી યથાવત્ રહેતી દેખાઈ, જ્યાં બ્રેન્ટમાં 92 પ્રતિ ડૉલરના સ્તરની ઉપર કિંમતો ટકી છે, તો NYMEX ક્રૂડમાં અડધા ટકાથી વધુની તેજી સાથે 88 ડૉલરની ઉપર કારોબાર થઈ રહ્યો છે. USમાં એક તરફ ક્રૂડની ઇન્વેન્ટરી ઘટી છે, અને બીજી બાજું ગ્લોબલ બજારમાં ઓછી સપ્લાયની ચિંતા બની રહી છે, જેને કારણે ક્રૂડની કિંમતોમાં મજબૂતી જોવા મળી રહી છે.

સ્થાનિક બજારમાં નેચરલ ગેસમાં લગભગ 2 ટકાની તેજી રહેતા ભાવ 226ના સ્તરની આસપાસ કારોબાર થઈ રહ્યો છે.

Daily Voice: ગ્લોબલ આર્થિક સ્થિતિઓ અનુકૂળ નથી તેનાથી રહો સતર્ક, વૈશ્વિક અર્થવ્યવસ્થામાં મંદીથી ભારતીય આઈટી સેક્ટર પર પડી શકે દબાણ

સોનાને પગલે ચાંદીમાં પણ દબાણ સાથેનો કારોબાર રહેતા વૈશ્વિક બજારમાં ભાવ 23 ડૉલરની નીચે આવ્યા, તો સ્થાનિક બજારમાં પણ આશરે અડધા ટકા જેટલી નરમાશ જોવા મળી રહી છે.

ડૉલર ઇન્ડેક્સમાં મામુલી નરમાશ, સ્ટોકમાં ઘટાડો અને ચાઈના તરફથી ઓછા આઉટપુટના કારણે LME ઝિંકની કિંમતોમાં રિકવરી જોવા મળી, આ સાથે જ શરૂઆતી કારોબારમાં સ્થાનિક બજારમાં પણ મોટાભાગની મેટલ્સમાં રિકવરી જોવા મળી રહી છે.

નજર કરીએ એગ્રી કૉમોડિટીના કારોબાર પર તો, મસાલા પેકમાં ફરી તેજી જોવા મળી, અહીં જીરામાં અડધા ટકા, તો હળદર અને ધાણામાં લગભગ એક ટકાથી વધુની મજબૂતી જોવા મળી રહી છે. પણ ગુવાર પેકમાં ઉપલા સ્તરેથી કિંમતો ઘટી, ગુવારગમમાં એક ટકાથી વધુનો ઘટાડો, તો સીડમાં અડધા ટકા જેટલું દબાણ બની રહ્યું છે. પણ કપાસિયા ખોળમાં એક ટકાની તેજી સાથેનો કારોબાર જોવા મળી રહ્યો છે.