ભારત-અમેરિકા વેપારમાં મોટી રાહત? 50% ટેરિફનો અંત આવશે, ટ્રમ્પ સરકાર સાથે ડીલ લગભગ નક્કી

India-US trade deal: ભારત અને અમેરિકા વચ્ચે ચાલી રહેલા વેપાર તણાવમાં એક સારા સમાચાર સામે આવ્યા છે. બંને દેશો વચ્ચે પ્રસ્તાવિત વેપાર કરારનો પ્રથમ તબક્કો લગભગ પૂરો થવા આવ્યો છે. એક ઉચ્ચ સરકારી અધિકારીના જણાવ્યા અનુસાર, આ કરારનો મુખ્ય હેતુ અમેરિકી રાષ્ટ્રપતિ ડોનાલ્ડ ટ્રમ્પ દ્વારા ભારતીય ઉત્પાદનો પર લાદવામાં આવેલા 50% ટેરિફનું સમાધાન કરવાનો છે.

શા માટે લાગ્યો હતો 50% ટેરિફ?

ડોનાલ્ડ ટ્રમ્પ પ્રશાસને ભારત પર બે તબક્કામાં કુલ 50% ટેરિફ લગાવ્યો હતો, જેના કારણે ભારતીય નિકાસકારોને ભારે નુકસાન થઈ રહ્યું હતું.

પ્રથમ 25% ટેરિફ: જુલાઈ મહિનાના અંતમાં, ટ્રમ્પે ભારતીય ઉત્પાદનો પર 25% ટેરિફની જાહેરાત કરી હતી, જે 7 ઓગસ્ટથી લાગુ થયો હતો.

આમ, હાલમાં ભારતીય નિકાસ પર કુલ 50% જેટલો ભારે ટેરિફ લાગી રહ્યો છે.

ભારતનું મોટું પગલું: અમેરિકા પાસેથી LPGની આયાત

આ તણાવને ઓછો કરવા અને વેપાર સંતુલન જાળવવા ભારતે એક મહત્વપૂર્ણ પગલું ભર્યું છે. ભારતની સરકારી પેટ્રોલિયમ કંપનીઓએ વર્ષ 2026 માટે અમેરિકા પાસેથી મોટા પાયે લિક્વિડ પેટ્રોલિયમ ગેસ (LPG)ની આયાત કરવા માટે એક વર્ષનો કરાર કર્યો છે.

આ કરાર હેઠળ, ભારત અમેરિકા પાસેથી લગભગ 22 લાખ ટન LPG આયાત કરશે.

આ પગલાને અમેરિકા સાથેના ભારતના ટ્રેડ સરપ્લસને ઘટાડવાના પ્રયાસ તરીકે જોવામાં આવે છે, જે મુદ્દો ડોનાલ્ડ ટ્રમ્પ માટે હંમેશા મહત્વનો રહ્યો છે.

હવે આગળ શું?

અધિકારીએ જણાવ્યું કે બંને દેશોએ બજાર પહોંચ અને ટેરિફના મુદ્દાઓને ઉકેલવા માટે એક પેકેજ લગભગ તૈયાર કરી લીધું છે અને તેના પર ટૂંક સમયમાં અંતિમ નિર્ણય લેવાઈ શકે છે. જો આ ડીલ સફળ થાય છે, તો ભારતીય નિકાસકારોને 50% ટેરિફમાંથી મોટી રાહત મળી શકે છે, જેનાથી ભારતીય અર્થવ્યવસ્થા અને વેપારને નવો વેગ મળશે.

આ પણ વાંચો- New Income Tax Law: ઈન્કમ ટેક્સનો 6 દાયકા જૂનો કાયદો બદલાશે, જાણો નવા નિયમો અને ITR ફોર્મ ક્યારથી લાગુ થશે