જેડી વેન્સ પોતાના જ જાળમાં ફસાયા: અમેરિકી હિન્દુ સંગઠનોએ ઉપરાષ્ટ્રપતિને ‘હિન્દુ ધર્મ અપનાવવા’ની કરી અપીલ

JD Vance Usha Vance: અમેરિકી ઉપરાષ્ટ્રપતિ જેડી વેન્સ પોતાના જ નિવેદનના કારણે મુશ્કેલીમાં ફસાયા છે. તેમણે પોતાની પત્ની ઉષા વેન્સને હિન્દુ ધર્મ છોડીને ઈસાઈ ધર્મ અપનાવવા પ્રેરિત કરવાનું કહ્યું હતું. આ નિવેદન બાદ અમેરિકા અને ભારતમાં ભારે ટીકાનો સામનો કરવો પડ્યો. હવે અમેરિકાના મોટા હિન્દુ સંગઠન હિન્દુ અમેરિકન ફાઉન્ડેશન (HAF)એ વેન્સને જવાબ આપતાં હિન્દુ ધર્મ સાથે જોડાવવાની અપીલ કરી છે.

વેન્સનું વિવાદાસ્પદ નિવેદન

મિસિસિપી યુનિવર્સિટીમાં ટર્નિંગ પૉઇન્ટ યુએસએ (TPUSA)ના કાર્યક્રમમાં એક દક્ષિણ એશિયાઈ મહિલાએ વેન્સને તેમના અંતરધાર્મિક લગ્ન અને ધાર્મિક મતભેદ વિશે પ્રશ્ન કર્યો. જવાબમાં વેન્સે કહ્યું, “મને આશા છે કે ઉષા પણ તે જ વાતથી પ્રભાવિત થશે જેણે મને ચર્ચ સાથે જોડ્યો છે.” આ નિવેદન બાદ સોશિયલ મીડિયા પર ભારે વિરોધ થયો.

વેન્સે સ્પષ્ટતા કરતાં કહ્યું, “મારી પત્ની મારા જીવનનું સૌથી મોટું વરદાન છે. તેમણે જ મને મારા ધર્મ સાથે ફરી જોડાવવા પ્રોત્સાહન આપ્યું હતું.”

HAFએ નિવેદન જારી કરી વેન્સને કહ્યું, “જો તમારી પત્નીએ તમને તમારા ધર્મ સાથે જોડવામાં મદદ કરી, તો તમે પણ હિન્દુ ધર્મ સાથે જોડાઈને સકારાત્મક પગલું લો.” સંગઠને ઉમેર્યું કે હિન્દુ ધર્મમાં જીવનસાથી પર પોતાનો ધર્મ થોપવાની પરંપરા નથી.

HAFએ વેન્સને સલાહ આપી કે, “ઉપરાષ્ટ્રપતિ તરીકે તમારે હિન્દુઓના ધર્મ પાળવાના અધિકારને માન્યતા આપવી જોઈએ.” સંગઠને એમ પણ કહ્યું કે વેન્સના કેટલાક સમર્થકો ધાર્મિક સ્વતંત્રતાને મર્યાદિત રીતે જુએ છે, જે હિન્દુઓ સુધી પણ વિસ્તરે છે.

વેન્સે શુક્રવારે શું કહ્યું?

વેન્સે કહ્યું, “ઉષા મોટા ભાગના રવિવારે મારી સાથે ચર્ચ જાય છે. મને આશા છે કે એક દિવસ તે મારી નજરથી વાતો જોશે. પણ જો ન કરે તો પણ ઠીક છે, કારણ કે ઈશ્વરે દરેકને સ્વતંત્ર ઇચ્છા આપી છે.” પછી વિવાદ વધતાં તેમણે સ્પષ્ટ કર્યું, “ઉષા ઈસાઈ નથી અને ધર્મ પરિવર્તન કરવાનો કોઈ ઈરાદો નથી. છતાંય મને આશા છે કે એક દિવસ તે મારી નજરથી વાતો જોશે. હું તેમને હંમેશા પ્રેમ કરીશ અને આસ્થા-જીવન પર ચર્ચા કરતો રહીશ.” આ ઘટના અંતરધાર્મિક લગ્ન અને ધાર્મિક સ્વતંત્રતા પર નવી ચર્ચા શરૂ કરી રહી છે.

આ પણ વાંચો- Groww IPO: 17% પ્રીમિયમ પર લિસ્ટિંગની આશા, 4થી 7 નવેમ્બર સુધી રોકાણનો મોકો; પ્રાઈસ બેન્ડ 95-100 રૂપિયા