Microsoft Copilot AI Feature: માઇક્રોસોફ્ટ લાવશે ક્રાંતિ, હવે તમારું કોમ્પ્યુટર તમારી સાથે કરશે વાતચીત

Microsoft Copilot AI Feature: માઇક્રોસોફ્ટે ટેકનોલોજીની દુનિયામાં એક નવી ક્રાંતિ લાવવાની તૈયારી કરી લીધી છે. કંપની હવે તેની ઓપરેટિંગ સિસ્ટમ વિન્ડોઝ 11માં આર્ટિફિશિયલ ઇન્ટેલિજન્સ (AI) આધારિત ફીચર ઉમેરવા જઈ રહી છે. આ ફીચરની મદદથી તમારું કમ્પ્યુટર માત્ર એક મશીન નહીં, પરંતુ તમારો સાચો સાથી બની જશે, જે તમારી સાથે વાત કરશે અને તમારા કામને વધુ સરળ બનાવશે.

કોપાઇલટ: વિન્ડોઝનું નવું AI સાથી

માઇક્રોસોફ્ટના એક્ઝિક્યુટિવ વાઇસ પ્રેસિડન્ટ યુસુફ મેહદીએ જણાવ્યું કે, “અમે AIને માત્ર ચેટબોટ સુધી મર્યાદિત નથી રાખવા માંગતા. અમે ઇચ્છીએ છીએ કે વિશ્વભરના કરોડો યુઝર્સના કમ્પ્યુટરમાં AIનો સમાવેશ થાય.” આ ફીચરના કારણે વિન્ડોઝ 11ના યુઝર્સ ‘Hey Copilot’ કહીને તેમના કમ્પ્યુટરને વોઇસ કમાન્ડ આપી શકશે. આ ફીચર એપલના સિરી જેવું જ કામ કરશે, જે યુઝરની વાત સમજીને તેના આદેશોનું પાલન કરશે.

કમ્પ્યુટર હવે સમજશે તમારી વાત

ટાસ્કબારમાં કોપાઇલટનો સમાવેશ

માઇક્રોસોફ્ટે કોપાઇલટને વિન્ડોઝ 11ના ટાસ્કબારમાં ઇન્ટીગ્રેટ કરવાની યોજના બનાવી છે. આનાથી યુઝર્સ એક જ ક્લિકથી કોપાઇલટની સુવિધાઓનો ઉપયોગ કરી શકશે. આ ફીચર માઉસ અને કીબોર્ડની જગ્યા નહીં લે, પરંતુ તે યુઝરના કામને વધુ ઝડપી અને સરળ બનાવશે.

શું છે આ ફીચરનું ભવિષ્ય?

માઇક્રોસોફ્ટનું આ પગલું ટેકનોલોજીની દુનિયામાં એક મોટો બદલાવ લાવી શકે છે. યુસુફ મેહદીના જણાવ્યા અનુસાર, “આ ફીચર યુઝર્સના અનુભવને જાદુઈ બનાવશે.” આ ફીચર હાલમાં ટેસ્ટિંગના તબક્કામાં છે અને ટૂંક સમયમાં વિન્ડોઝ 11ના યુઝર્સ માટે ઉપલબ્ધ થશે.

આ પણ વાંચો- બેંક FD પર લોન કે પર્સનલ લોન: કયો ઓપ્શન છે આપના માટે વધુ ફાયદાકારક?