PM મોદીની ભૂટાન યાત્રા: 1020 મેગાવોટ પ્રોજેક્ટનું ઉદ્ઘાટન અને દ્વિપક્ષીય સંબંધોને નવી ઊર્જા

PM Modi Bhutan Visit: ભારત અને ભૂટાન વચ્ચેના અનોખા મિત્રત્વના સંબંધોને વધુ મજબૂત બનાવવા માટે પ્રધાનમંત્રી નરેન્દ્ર મોદી આજે, 11 નવેમ્બર 2025ના રોજ, 2 દિવસની ભૂટાન યાત્રા પર રવાના થયા છે. આ યાત્રા દરમિયાન તેઓ ભૂટાનના નરેશ જિગ્મે સિંગ્યે વાંગચુક અને વડાપ્રધાન શેરિંગ તોબગે સાથે મહત્વની વાતચીત કરશે. સૌથી મોટી ઘટના એ છે કે ભારત-ભૂટાનની સંયુક્ત પરિયોજના 1020 મેગાવોટની પુનત્સાંગછુ-2 જળવિદ્યુત યોજનાનું ઉદ્ઘાટન કરવામાં આવશે.

PM મોદીએ પોતાના X (ટ્વિટર) પોસ્ટમાં જણાવ્યું હતું કે, "ભૂટાન તરફ રવાના થઈ રહ્યો છું. આ યાત્રા એ સમયે થઈ રહી છે જ્યારે ભૂટાન પોતાના ચોથા નરેશનો 70મો જન્મદિવસ ઉજવી રહ્યું છે. હું નરેશ અને વડાપ્રધાન સાથે વાતચીત કરીશ અને ઊર્જા ક્ષેત્રમાં આ પ્રોજેક્ટનું ઉદ્ઘાટન કરીશું. આ યાત્રા આપણા દ્વિપક્ષીય સંબંધોમાં નવી તાકાત ભરશે."

Leaving for Bhutan, where I will attend various programmes. This visit comes at a time when Bhutan is marking the 70th birthday of His Majesty the Fourth King. I will be holding talks with His Majesty the King of Bhutan, His Majesty the Fourth King and Prime Minister Tshering…

— Narendra Modi (@narendramodi) November 11, 2025

વિદેશ મંત્રાલયે શનિવારે જણાવ્યું હતું કે આ યાત્રા બંને દેશો વચ્ચેની વિશેષ મિત્રતા અને સહયોગને વધુ ગાઢ બનાવવાના હેતુથી છે. ભારત અને ભૂટાન વચ્ચે ગાઢ આધ્યાત્મિક વારસો પણ છે. આ યાત્રા દરમિયાન ભગવાન બુદ્ધના પવિત્ર પિપરહવા અવશેષોનું પ્રદર્શન ચાલી રહ્યું છે, જે ભારતથી ભૂટાન મોકલવામાં આવ્યા છે. PM મોદી થિમ્પુના તાશીછોદ્ઝોંગમાં આ અવશેષો સમક્ષ પ્રાર્થના કરશે અને વૈશ્વિક શાંતિ પ્રાર્થના મહોત્સવમાં ભાગ લેશે.

આ ઉપરાંત, બંને દેશો વચ્ચેના વિવિધ મુદ્દાઓ પર ચર્ચા થશે, જેમાં ઊર્જા, વેપાર અને ક્ષેત્રીય સહયોગનો સમાવેશ થાય છે. તાજેતરમાં જ સપ્ટેમ્બરમાં ભારતે 4000 કરોડ રૂપિયાથી વધુના ખર્ચે ભૂટાન સાથે 2 સીમા-પાર રેલ લિંક બનાવવાની યોજના જાહેર કરી હતી. આ પ્રોજેક્ટ હેઠળ ભૂટાનના ગેલેફુ અને સમત્સે શહેરોને અસમના કોકરાઝાર અને પશ્ચિમ બંગાળના બાનરહાટ સાથે જોડવામાં આવશે. આ યાત્રા બંને દેશો વચ્ચેના વિશ્વાસ, સદ્ભાવના અને પરસ્પર આદર પર આધારિત અનુકરણીય ભાગીદારીને વધુ મજબૂત બનાવશે.

આ પણ વાંચો- ટ્રમ્પની મોટી ઘોષણા: ભારત સાથે વેપાર કરાર નજીક, ટેરિફમાં કટોતીના સંકેતો; "અત્યારે મને ગમતા નથી, પણ જલ્દી પ્રેમ થઈ જશે"