Closing Bell: સેન્સેક્સ અને નિફ્ટી સપાટ સ્તર પર થયો બંધ, રિયલ્ટી અને ફાર્મા શેરોમાં જોવા મળી ખરીદી

કારોબાર સપ્તાહના છેલ્લા સત્ર દરમિયાન બજારમાં કન્સોલિડેશન જોવા મળ્યું છે. શુક્રવારે દિવસના કારોબાર બાદ સેન્સેક્સ અને નિફ્ટી સપાટ સ્તર પર બંધ થયા છે. જો કે મિડકેપ અને સ્મોલકેપ શેરમાં ખરીદી જોવા મળી છે. સેક્ટોરલ ફ્રન્ટ પર નજર કરીએ તો રિયલ્ટી અને ફાર્મા શેરોમાં ખરીદી જોવા મળી છે. પીએસયુ, આઈટી અને મેટલ ઈન્ડેક્સ ઘટાડા સાથે બંધ થયા છે. જ્યારે, બેન્કિંગ, એફએમસીજી અને પીએસઈ શેર પર પણ દબાણ જોવામાં આવ્યું છે. ડૉલર સામે રૂપિયો 10 પૈસા નબળો પડ્યો અને 82.84 પર બંધ થયો છે.

સેન્સેક્સના 30 માંથી 18 શેરોમાં વેચવાલી જોવા મળી હતી. શુક્રવારે દિવસના કારોબાર બાદ સેન્સેક્સ 15 અંક ઘટીને 73,143ના સ્તર પર બંધ થયો છે. નિફ્ટી 5 પોઈન્ટ ઘટીને 22,213 ના સ્તર પર બંધ રહ્યો છે. નિફ્ટી બેન્ક આજે 108 પોઈન્ટ ઘટીને 46,812 ના સ્તર પર બંધ રહ્યો છે. જ્યારે, નિફ્ટી મિડકેપ 151 અંક ઘટીને 49,280 ના સ્તર પર બંધ રહ્યો છે.

આ સપ્તાહ કેવું રહ્યું બજાર

જો સાપ્તાહિકના આધાર પર જોવામાં આવે તો સેન્સેક્સ, નિફ્ટી અને બેન્ક નિફ્ટી સતત બીજા સપ્તાહમાં 1 ટકાના વધારા સાથે બંધ થયા છે. મિડકેપ ઈન્ડેક્સ સતત ચોથા સપ્તાહમાં તેજી સાથે બંધ રહ્યો છે. આ ઇન્ડેક્સમાં 4 સપ્તાહમાં 5 ટકાનો વધારો જોવા મળ્યો છે.

આ સપ્તાહ નિફ્ટીના સૌથી તેજી વાળા શેરોની લિસ્ટમાં M&M, Grasim, ICICI Bank, Nestle અને Sun Pharma શામેલ છે. જ્યારે, સૌથી નબળાઈ વાળી શેરને લિસ્ટમાં Hero Moto, Coal India, BPCL, Divi અને HDFC Lifeના સ્ટૉક્સ શામેલ રહ્યા છે. આ સપ્તાહ નિફ્ટી મિડકેપની સૌથી ઝડપી વાળા શેરની લિસ્ટમાં ABB India, Indian Hotels, Voda Idea, Indiabulls Housing અને BELના સ્ટૉક્સ શામેલ છે.