BJPના હશે મુખ્યમંત્રી, સહયોગી પક્ષોના હશે 2 મુખ્યમંત્રી, મહારાષ્ટ્ર સરકારના ગઠન પર અજીત પવારનું નિવેદન

લાંબી રાહ જોયા બાદ મહારાષ્ટ્રમાં મહાયુતિ સરકારના શપથ ગ્રહણ સમારોહની તારીખ જાહેર કરવામાં આવી છે. શપથ ગ્રહણ સમારોહ 5 ડિસેમ્બરે સાંજે 5 કલાકે મુંબઈના આઝાદ મેદાનમાં વડાપ્રધાન નરેન્દ્ર મોદીની હાજરીમાં યોજાશે. દરમિયાન, રાષ્ટ્રવાદી કોંગ્રેસ પાર્ટી (NCP) અજિત પવારે કહ્યું કે મહારાષ્ટ્રના આગામી સીએમ બીજેપીના જ હશે.

એટલું જ નહીં, તેમણે કહ્યું કે મહાયુતિના સહયોગી પક્ષોમાંથી 2 ડેપ્યુટી સીએમ હશે. મીડિયા સાથે વાત કરતી વખતે અજિત પવારે કહ્યું કે બેઠક (મહાયુતિના નેતાઓની દિલ્હી બેઠક) દરમિયાન નિર્ણય લેવામાં આવ્યો હતો કે મહાયુતિ બીજેપીના મુખ્યમંત્રી અને બાકીની બે પાર્ટીઓના નાયબ મુખ્યમંત્રીઓ સાથે મળીને સરકાર બનાવશે.

ભાજપ 132 બેઠકો સાથે સૌથી મોટી પાર્ટી બની

ભાજપ 132 બેઠકો જીતીને સૌથી મોટી પાર્ટી તરીકે ઉભરી આવી હતી, જ્યારે શિવસેના અને એનસીપીએ અનુક્રમે 57 અને 41 બેઠકો જીતી હતી. આ સફળતા છતાં, સરકારની રચનામાં વિલંબ થયો હતો અને આગામી મુખ્ય પ્રધાન કોણ હશે તે અંગે અનિશ્ચિતતા હતી. પરંતુ, હવે મહારાષ્ટ્રમાં મહાયુતિ સરકારની રચનાની તારીખ આવી ગઈ છે.

આ પણ વાંચો-બાંગ્લાદેશમાં ચાલી રહેલી હિંસા વચ્ચે વધુ એક હિંદુ પૂજારીની ધરપકડ, ચિન્મય કૃષ્ણદાસને ગયા હતા મળવા