રિયલ એસ્ટેટનો બબલ ફૂટ્યો? અમદાવાદની સાથે દિલ્હી, મુંબઈ, પુણે, હૈદરાબાદમાં પણ ઘરોનું વેચાણ ઘટ્યું

ભારતના રિયલ એસ્ટેટ માર્કેટમાં ઉથલપાથલ જોવા મળી રહી છે. આ વર્ષે જાન્યુઆરીથી માર્ચ સુધીના ત્રણ મહિનામાં દેશના મોટા શહેરોમાં ઘરોનું વેચાણ નોંધપાત્ર રીતે ઘટ્યું છે. આ ગાળામાં માત્ર 1 લાખથી ઓછા ઘરો વેચાયા, જે ગયા વર્ષની સરખામણીએ 19% ઓછું છે. જોકે, બેંગલુરુ અને ચેન્નાઈમાં ઘરોનું વેચાણ વધ્યું છે, પરંતુ મુંબઈ મેટ્રોપોલિટન રીજન (MMR), હૈદરાબાદ અને પુણેમાં સૌથી વધુ ઘટાડો જોવા મળ્યો છે.

શા માટે ઘટી રહ્યું છે ઘરોનું વેચાણ?

‘રિયલ ઇનસાઇટ રેસિડેન્શિયલ: Q1 2025' રિપોર્ટ અનુસાર, ઘરોના ભાવમાં સતત વધારો અને દેશની આર્થિક વૃદ્ધિમાં ધીમાપણું એ ઘરોના વેચાણમાં ઘટાડાના મુખ્ય કારણો છે. આ ઉપરાંત, લોકોની આવક ઘટવી કે લોન મેળવવામાં મુશ્કેલી પણ એક કારણ હોઈ શકે છે. રિપોર્ટમાં જણાવાયું છે કે લોકો હાલમાં રોકાણ કરવામાં સાવધાની રાખી રહ્યા છે, જેની અસર રિયલ એસ્ટેટ માર્કેટ પર સ્પષ્ટ દેખાઈ રહી છે.

કયા શહેરોમાં કેટલો ઘટાડો?

નીચેનું કોષ્ટક આંકડાઓ દર્શાવે છે:-

નવા ઘરોની સપ્લાય પણ ઘટી

આ વર્ષની પહેલી ત્રિમાસિકમાં આઠ મોટા શહેરોમાં નવા ઘરોની સપ્લાયમાં 10%નો ઘટાડો થયો છે. ખાસ કરીને પુણેમાં 38% અને હૈદરાબાદમાં 33% સપ્લાય ઘટી છે. અમદાવાદમાં 23% અને મુંબઈમાં 15% ઘટાડો નોંધાયો. બીજી તરફ, કોલકાતામાં સપ્લાય 138% અને બેંગલુરુમાં 82% વધી છે.

નીચેનું કોષ્ટક નવા લોન્ચની વિગતો દર્શાવે છે:-

ઘટાડાનું મૂળ કારણ શું?

હાઉસિંગ ડોટ કોમ ગ્રૂપના સીઈઓ ધ્રુવ અગ્રવાલે જણાવ્યું, "ઘરોના ભાવમાં ઝડપી વધારો અને વૈશ્વિક વેપાર યુદ્ધને કારણે ઉભી થયેલી અનિશ્ચિતતાએ ખરીદદારોને સાવધ બનાવ્યા છે. રિયલ એસ્ટેટ જેવા મોટા રોકાણમાં લોકો હવે વધુ સંયમ રાખી રહ્યા છે." ગયા કેટલાક વર્ષોમાં ઘરોના ભાવમાં થયેલા વધારાએ ઘણા લોકો માટે ઘર ખરીદવાનું મુશ્કેલ બનાવ્યું છે, જેના કારણે ડેવલપર્સે પણ નવા પ્રોજેક્ટ્સ ઘટાડ્યા છે.

આ પણ વાંચો- RBIએ રદ કર્યું અમદાવાદના બેન્કનું લાયસન્સ, જાણો હવે કસ્ટમર્સના પૈસાનું શું થશે?