બેંગલુરુમાં ભાડા પર મકાન મેળવવું મુશ્કેલ, મકાનમાલિકો સારી કોલેજમાંથી ભણેલાને જ આપવા માંગે છે ફ્લેટ

ભારતમાં માતા-પિતા તેમના બાળકોને સારી કારકિર્દી માટે ઉચ્ચ અભ્યાસ કરવા પ્રોત્સાહિત કરે છે. હવે ઉચ્ચ અભ્યાસ અને સારી નોકરીએ મકાન ભાડે રાખવામાં પણ મદદ કરવાનું શરૂ કર્યું છે. બેંગ્લોરમાં મકાનમાલિકો એવા ભાડૂતોને તેમના ઘરો ભાડે આપવા આતુર છે કે જેઓ તેજસ્વી શૈક્ષણિક પૃષ્ઠભૂમિ ધરાવે છે અને સારા પગારવાળી નોકરી ધરાવે છે. અમિત ગુપ્તા નામના એક ઉદ્યોગસાહસિકે ટ્વીટ કર્યું, "બાળકો, તમારા અભ્યાસ પર વધુ ધ્યાન આપો નહીંતર તમને ભવિષ્યમાં ભાડા પર એપાર્ટમેન્ટ નહીં મળે."

સારી કોલેજમાં ભણ્યા પછી મળે છે સારી નોકરી

મકાનમાલિક પૂછે છે 10મા અને 12મા માર્કસ

બેંગ્લોરના રહેવાસી શુભે આ વિશે કહ્યું કે માર્કસ કદાચ ભવિષ્ય નક્કી ન કરે, પરંતુ તે ચોક્કસપણે નક્કી કરે છે કે તમને બેંગ્લોરમાં ભાડા પર ફ્લેટ મળશે કે નહીં. તાજેતરમાં તેના એક પિતરાઈ ભાઈને બેંગ્લોરમાં ભાડા પર એપાર્ટમેન્ટ આપવાનો ઇનકાર કરવામાં આવ્યો હતો કારણ કે તેના 12માં માર્કસ 90 ટકા કરતા ઓછા હતા. શુભે મકાનમાલિક સાથેની વાતચીતનો સ્ક્રીનશોટ શેર કર્યો છે. બ્રોકરે તેના પિતરાઈ ભાઈનું LinkedIn અને Twitter હેન્ડલ માંગ્યું. તેણે 10મા અને 12માની માર્કશીટ પણ માંગી હતી.

સરકારી કર્મચારીઓ મકાન મેળવવામાં સરળતા

એક ઉદ્યોગસાહસિક રાહુલ અરોરાએ જણાવ્યું હતું કે 22 વર્ષની ઉંમરે એવોર્ડ વિજેતા સ્ટાર્ટઅપના CEO હોવા છતાં, મને લાગ્યું કે હું બેંગ્લોરમાં એપાર્ટમેન્ટ મેળવી શકીશ નહીં કારણ કે 12માં મારા માર્કસ 79 ટકા હતા. હનુ રેડી રિયલ્ટીના કિરણ કુમારે જણાવ્યું હતું કે રિયલ એસ્ટેટ સેક્ટરમાં કિંમતો વધી રહી છે. મકાનમાલિકોની પોતાની નાણાકીય જવાબદારીઓ હોય છે. તેથી જ તેઓ નિયમિત આવક ધરાવતા લોકોને ભાડા પર મકાનો આપવા માંગે છે. તે સરકારી કર્મચારીઓ, બેંકરો અને મેનેજર સ્તરના કર્મચારીઓને મકાન ભાડે આપવામાં રસ ધરાવે છે.