Ram Mandir: 32 વર્ષ પહેલા આજના દિવસે જ અયોધ્યા પહોંચ્યા હતા પીએમ મોદી, લીધી હતી પ્રતિજ્ઞા

Ram Mandir: અયોધ્યામાં બનેલા ભવ્ય રામ મંદિરમાં રામલલાના અભિષેકની તૈયારીઓ પૂરજોશમાં ચાલી રહી છે. આ દરમિયાન, 32 વર્ષ પહેલાના આ દિવસની કેટલીક તસવીરો મોદી આર્કાઇવ નામના ટ્વિટર હેન્ડલ પરથી શેર કરવામાં આવી છે, જેમાં પીએમ મોદી તત્કાલીન બીજેપી અધ્યક્ષ મુરલી મનોહર જોશી સાથે અયોધ્યામાં પૂજા કરતા જોવા મળે છે.

પીએમ મોદી 32 વર્ષ પહેલા 15 જાન્યુઆરી 1992ના રોજ મુરલી મનોહર જોશી સાથે અયોધ્યામાં રામ મંદિર પહોંચ્યા હતા. તે દરમિયાન તેઓ કન્યાકુમારીથી કાશ્મીર સુધી એકતાનો સંદેશ ફેલાવવા માટે એકતા યાત્રા પર હતા.

આ તસવીરો શેર કરવાની સાથે એવો પણ દાવો કરવામાં આવ્યો છે કે તે સમયે 'જય શ્રી રામ'ના નારા વચ્ચે પીએમ મોદીએ પ્રતિજ્ઞા લીધી હતી કે તેઓ રામ મંદિર બન્યા બાદ જ અહીં પાછા ફરશે. આ તસવીરોની સાથે લખ્યું છે કે આખરે નરેન્દ્ર મોદી સરકારની તપસ્યા ફળી છે.

ટ્વિટર પર આ તસવીરો શેર કરતાં લખ્યું છે કે અસંખ્ય હિંદુઓની સદીઓની દ્રઢતા પછી ભગવાન શ્રી રામને તેમના જન્મસ્થળ પર એક ભવ્ય મંદિરમાં પુનઃસ્થાપિત કરવામાં આવ્યા છે.

On this exact day, 32 years ago, @narendramodi arrived at the #AyodhyaRamTemple. He was on a Yatra to spread the message of unity from Kanyakumari to Kashmir, the Ekta Yatra. Amidst chants of 'Jai Shri Ram', Narendra Modi vowed to return only when the Ram Temple was built. The… pic.twitter.com/nbLxkTFN9V

— Modi Archive (@modiarchive) January 14, 2024