Garlic Peeling Tips: 10 મિનિટ માં 1 કિલો લસણ ફોલવાની રીત, એકવાર અજમાવો આ મજેદાર ટ્રિક્સ

Garlic Peeling Tips: રસોડામાં રસોઈ કરવી તો બધાને ગમે પરંતુ રસોઈના ટેસ્ટમાં વધારો કરનાર લસણ ફોલવામાં ખૂબ જ કંટાળો આવે.

લસણ ફોલતી વખતે વાર પણ એટલી જ લાગે અને તેના ફોતરાં પણ બહુ ઊડે..એ તો ઠીક પણ લસણ ફોલયા પછી હાથમાથી લસણની દુર્ગંધ તો કેટલાય કલાક સુધી આવે જેનો સૌથી મોટો કંટાળો.

મિનિટોમાં એક કિલોથી વધુ લસણના ફોતરા નીકળી જશે

લસણના ફોતરા ઉતારવામાં ઘણો સમય લાગે છે, જો ઘરમાં કોઈ ફંકશન હોય તો જેને લસણના ફોતરા ઉતારવાનું કામ આપવામાં આવે છે તે ખૂબ જ નખરા બતાવે છે. ઘણા લોકો પોતાનું કામ છોડીને ભાગી જાય છે. એવામાં આજે અમે તમને કેટલીક એવી જ રસપ્રદ ટિપ્સ જણાવવા જઈ રહ્યા છીએ, જેનાથી તમે મિનિટોમાં લસણના ફોતરા કાઢી શકો છો.

ઓવન ફોલશે લસણ

જો કોઈના ઘરમાં ઓવન હોય, તો તેણે જેટલું લસણની ફોલવું હોય એટલી કળીઓ એક પ્લેટમાં મૂકીને 1 થી 2 મિનિટ માટે શેકી દો. જલદી તમે તેને હળવાશથી શેકશો, લસણના ફોતરા પોતાની મેળે બહાર આવવા લાગશે.

તવો કરશો મદદ

જો તમારી પાસે ઓવન નથી તો કોઈ વાંધો નથી. તમારો તવો આ કામ કરી શકે છે. તમે જે તવા પર રોટલી શેકો છો તેના પર જેટલું પણ લસણ ફોલવા માંગો છો તેની કળીઓ રાખો અને પછી પ્લેટ અથવા બાઉલથી ઢાંકી દો. થોડા સમય પછી લસણના ફોતરા અલગ થવા લાગશે. ધ્યાન રાખો કે તવાને વધુ સમય સુધી ગરમ ન કરવો જોઈએ.

હૂંફાળું પાણી છે મદદગાર

જો તમે આપેલ લસણને થોડી જ સેકન્ડમાં ફોલવા માંગતા હોવ, તો લસણને છોલતા પહેલા તેને થોડા સમય માટે હૂંફાળા પાણીમાં પલાળી રાખો. લસણને ફોલવાની આ રીત આજકાલ એકદમ સામાન્ય છે. હૂંફાળા પાણીમાં પલાળેલી લસણના ફોતરા થોડી જ વારમાં પોતાની મેળે બહાર આવી જશે અને તમારે આમાં કોઈ મહેનત કરવાની જરૂર નથી.

ઉપરના ભાગને પહેલા કાપો

લસણને છાલવાની શ્રેષ્ઠ રીત એ છે કે ઉપરનો ભાગ કાપીને પછી તેને ફોલીને નિકાળી દો, તે ખૂબ જ ઝડપથી ફોતરા નિકળી જાય છે.

કળીઓને બંધ ડબ્બામાં બંધ કરીને હલાવો

જો તમે ઈચ્છો છો કે તમારા લસણના ફોતરા બહુ ઓછી મહેનતે નીકળી જાય, તો તમારે લસણની ઘણી બધી કળીઓ લઈને તેને એક બંધ ડબ્બામાં નાખી દો અને થોડી સ્પેસ બચાવી રાખવી જોઇએ અને તે ડબ્બાને જોર જોરથી હલાવો. ઘણી વખત લસણની ફોતરાની પકડ ઢીલી પડી જાય છે અને તેની છાલ સરળતાથી નીકળી જાય છે.

આ પણ વાંચો - Less ​Sleep: શું તમે પણ દરરોજ 7 કલાકથી ઓછી ઊંઘ લો છો? સાવચેત રહો! શરીર ખરાબ થઇ શકે છે