National Girl Child Day 2024: નેશનલ ગર્લ ચાઈલ્ડ ડેની ઉજવણી કેમ 24 જાન્યુઆરી એ જ કરાય છે? જાણો ઇતિહાસ

National Girl Child Day 2024: દર વર્ષે 24મી જાન્યુઆરીને ભારતમાં નેશનલ ગર્લ ચાઈલ્ડ ડે તરીકે ઉજવવામાં આવે છે. આ દિવસ દિકરીઓને તેમના અધિકારોથી વાકેફ કરવા અને તેમને વિકાસની સમાન તકો સાથે સમાજમાં સન્માન આપવાના ઉદ્દેશ્ય સાથે ઉજવવામાં આવે છે. ભારતમાં લિંગ ભેદભાવ નવી વાત નથી, પરંતુ સદીઓથી ચાલી આવે છે. ચાલો જાણીએ કે નેશનલ ગર્લ ચાઈલ્ડ ડેની ઉજવણી ક્યારે અને શા માટે શરૂ થઈ. તેમજ આ વર્ષે ગર્લ ડે કઈ થીમ સાથે ઉજવવામાં આવી રહ્યો છે.

નેશનલ ગર્લ ચાઇલ્ડ ડેનો ઇતિહાસ

24 જાન્યુઆરીએ જ શા માટે ગર્લ્સ ડે ઉજવવામાં આવે છે?

24મી જાન્યુઆરીએ ગર્લ્સ ડે મનાવવાનું એક ખાસ કારણ એ છે કે વર્ષ 1966માં આ દિવસે એટલે કે 24મી જાન્યુઆરીએ ઈન્દિરા ગાંધીએ વડાપ્રધાન તરીકે શપથ લીધા હતા. તેઓ દેશના પ્રથમ મહિલા વડાપ્રધાન હતા. દેશની દીકરીની આ પદ સુધી પહોંચેલી સિદ્ધિને યાદ કરવા દર વર્ષે આ દિવસ પસંદ કરવામાં આવ્યો હતો.

દિકરી દિવસની ઉજવણીનો હેતુ

નેશનલ ગર્લ ચાઈલ્ડ ડેની ઉજવણીનો મુખ્ય ઉદ્દેશ્ય દેશની દિકરીઓને તેમના અધિકારો વિશે જાગૃત કરવાનો છે. આ ઉપરાંત, સમાજમાં તેમના વિકાસ માટે સમાન તકો અને સન્માન આપવા તરફ લોકોનું ધ્યાન દોરવું અને સૌથી અગત્યનું દિકરીઓ સાથેના ભેદભાવ વિશે વાત કરવી.

આ પણ વાંચો - Ayodhya Flight Ticket: અયોધ્યા રામલલાના દર્શનનો કરી રહ્યાં છો પ્લાન? જાણી લો ફ્લાઇટનું ભાડું