Dawood Ibrahim Dead News: કરાચી હોસ્પિટલમાં દાખલ, દાઉદ માટે ગોઠવાઇ કડક સુરક્ષા, મુંબઇ પોલીસ સગા-સંબંધીઓ પાસેથી મેળવી રહી છે માહિતી

Dawood Ibrahim Dead News: અંડરવર્લ્ડ ડોન દાઉદ ઈબ્રાહિમના મોતના સમાચાર છે. આ પહેલા એવા અહેવાલ હતા કે દાઉદ ઈબ્રાહિમને તેના ભોજનમાં ઝેર આપવામાં આવ્યું હતું. આ પછી પાકિસ્તાનમાં ઈન્ટરનેટ બંધ કરાયું છે. તેને પાકિસ્તાનના કરાચીની હોસ્પિટલમાં દાખલ કરવામાં આવ્યો હતો. હવે એવા અહેવાલો આવી રહ્યા છે કે દાઉદનો જીવ બચાવી શકાયો નથી. તેની હાલત ગંભીર હતી. જે હોસ્પિટલમાં દાઉદને દાખલ કરવામાં આવ્યો હતો તેની સુરક્ષા ખૂબ જ ચુસ્ત હતી.

દાઉદ ઈબ્રાહિમને બે દિવસ પહેલા હોસ્પિટલમાં દાખલ કરવામાં આવ્યો હતો. સૂત્રોના જણાવ્યા અનુસાર, તે હોસ્પિટલના ફ્લોર પર એકમાત્ર દર્દી હતો જ્યાં દાઉદને દાખલ કરવામાં આવ્યો હતો. દાઉદની સુરક્ષા માટે આખો ફ્લોર ખાલી કરાવવામાં આવ્યો હતો. ત્યાં દાખલ દર્દીઓને અન્ય સ્થળે ખસેડવામાં આવ્યા હતા. માત્ર હોસ્પિટલના વરિષ્ઠ અધિકારીઓ, દાઉદની સારવાર કરી રહેલા ડોકટરો, તબીબી ટીમ અને દાઉદના નજીકના પરિવારના સભ્યોને જ હોસ્પિટલના તે ફ્લોર પર જવાની મંજૂરી આપવામાં આવી હતી.

પોલીસ દાઉદ વિશે તેના સંબંધીઓ પાસેથી માહિતી લઈ રહી છે. પોલીસ તેના સંબંધીઓ અલીશા પારકર અને સાજિદ વાગલે પાસેથી વધુ માહિતી મેળવવાનો પ્રયાસ કરી રહી છે. જાન્યુઆરીમાં દાઉદ ઈબ્રાહિમની બહેન હસીના પારકરના પુત્રએ NIAને જણાવ્યું હતું કે દાઉદ બીજી વખત લગ્ન કર્યા બાદ કરાચીમાં રહે છે.

દાઉદ 1993ના મુંબઈ બ્લાસ્ટનો માસ્ટરમાઇન્ડ હતો

દાઉદ 1993ના મુંબઈ બ્લાસ્ટનો માસ્ટરમાઇન્ડ હતો. તે ભારતનો મોસ્ટ વોન્ટેડ આતંકવાદી હતો. દાઉદ લાંબા સમયથી પાકિસ્તાનમાં રહેતો હતો. ભારતીય અધિકારીઓના જણાવ્યા અનુસાર તેનું ઘર કરાચીના પોશ વિસ્તાર ક્લિફ્ટનમાં હતું. પાકિસ્તાન તેને આશ્રય આપવાનો સતત ઇનકાર કરી રહ્યું છે.

આ પણ વાંચો - Kheda syrup scandal: ખેડા સિરપ કાંડ મામલામાં મોટો ખુલાસો, સિરપમાં ઇથેનોલ કેમિકલ મિશ્રિત કરી વેચાણ થતું હોવાનું ખુલ્યું, તપાસ તેજ