Perplexity AIએ Google Chrome ખરીદવા માટે 34.5 બિલિયન ડોલરની કરી ઓફર, જાણો સમગ્ર મામલો

Perplexity AI Google Chrome: અમેરિકન જિલ્લા કોર્ટે ગયા વર્ષે એક મહત્વનો નિર્ણય આપ્યો હતો, જેમાં જણાવાયું હતું કે Googleએ ઓનલાઈન સર્ચના ક્ષેત્રમાં ગેરકાયદેસર એકાધિકાર જાળવી રાખ્યો છે. આ નિર્ણયના પગલે Google પર તેનું લોકપ્રિય વેબ બ્રાઉઝર Chrome વેચવાનું દબાણ વધી રહ્યું છે. આવી સ્થિતિમાં, Perplexity AIએ Google Chrome ખરીદવા માટે 34.5 બિલિયન ડોલરની એક મોટી ઓફર આપી છે. આ ઓફર Perplexityની પોતાની વેલ્યુએશનથી લગભગ બમણી છે, કારણ કે તાજેતરના ફંડિંગ રાઉન્ડમાં કંપનીનું વેલ્યુએશન 18 બિલિયન ડોલર હતું.

Perplexity AIના CEOનું નિવેદન

Perplexity AIના કો-ફાઉન્ડર અને CEO અરવિંદ શ્રીનિવાસે તેમના લેટર ઓફ ઇન્ટેન્ટમાં જણાવ્યું કે, "આ ઓફર એન્ટી-કોમ્પિટિટિવ પગલાંને પહોંચી વળવા અને જાહેર હિતને ધ્યાનમાં રાખીને તૈયાર કરવામાં આવી છે. અમે Chromeને એક સ્વતંત્ર, ઓપન અને ગ્રાહકોના રક્ષણ પર ધ્યાન કેન્દ્રિત કરતું ઓપરેટર પૂરું પાડવા માગીએ છીએ."

અમેરિકન કોર્ટનો ઐતિહાસિક નિર્ણય

એનાલિસ્ટ્સનો અભિપ્રાય

Baird Equity Researchના એનાલિસ્ટ્સે રોકાણકારોને લખેલા નોંધમાં જણાવ્યું કે Perplexityની આ ઓફર Chromeનું ખૂબ જ ઓછું મૂલ્યાંકન કરે છે અને તેને ગંભીરતાથી લેવી જોઈએ નહીં. એનાલિસ્ટ્સનું માનવું છે કે Perplexity પાસે પહેલેથી જ Chrome સાથે સ્પર્ધા કરતું બ્રાઉઝર છે, તેથી આ ઓફરનો હેતુ અન્ય બ્રાઉઝર કંપનીઓને બોલી લગાવવા પ્રેરિત કરવાનો કે એન્ટી-કોમ્પિટિટિવ કેસના નિર્ણયને પ્રભાવિત કરવાનો હોઈ શકે છે.

આ પણ વાંચો-કેદારનાથ યાત્રા બંધ: ભારે વરસાદની ચેતવણી, શ્રદ્ધાળુઓ અને પોલીસ વચ્ચે ઘર્ષણ