Ram Mandir Donation: રામ મંદિરમાં ભક્તોની ભીડ, માત્ર 2 દિવસમાં આવ્યું આટલું દાન, અહીં જાણો સંપૂર્ણ ડિટેલ

અયોધ્યા રામ મંદિર (Ayodhya Ram Mandir)માં દાન કરવા વાળા લોકોની સંખ્યામાં ખૂબ વધારો થઈ રહ્યો છે. સાથે જ દરરોજ આ દાન કરવાનો આંકડો પણ વધી રહ્યો છે. ભક્તો રામ મંદિર (Ram Temple) માટે દિલથી દાન આપી રહ્યા છે. તેનો અંદાજ એ વાત પરથી લગાવી શકાય છે કે છેલ્લા બે દિવસમાં રામ ભક્તોએ લાખો રૂપિયાનું દાન કર્યું છે.

નોધપાત્ર છે કે રામ મંદિર પર આ દાન (Ram Mandir Donation) ત્યારે આવી રહ્યા છે, જ્યારે 22 જાન્યુઆરી 2024એ પ્રાણ પ્રતિષ્ઠા બાદ ભગવાન રામના દર્શન માટે મોટી સંખ્યામાં લોકો અયોધ્યા જઈ રહ્યા છે.

રામ જન્મભૂમિ તીર્થ ક્ષેત્ર ટ્રસ્ટ દ્વારા જાહેર કરવામાં આવેલા આંકડા અનુસાર છેલ્લા બે દિવસમાં 18,50,000 રૂપિયાનું દાન આવ્યું છે. 6 ફેબ્રુઆરીએ રામ મંદિર માટે 8.50 લાખ રૂપિયાનું દાન (Donation for Ram Mandir) આવ્યું હતું, જ્યારે 7 ફેબ્રુઆરીએ 10 લાખ રૂપિયાનું દાન આવ્યું હતું. સૌતી વધારે દાન એક દિવસમાં રામ મંદિરના પ્રાણ પ્રતિષ્ઠાના દિવસે થયો હતો. તે દિવસે રામ ભક્તોને 3.17 કરોડ રૂપિયાનું દાન ઑનલાઈન અને કાઉન્ટર પર કર્યું હતું.

11 દિવસમાં 11 કરોડ રૂપિયાનું દાન

22 જાન્યુઆરી બાદ રામ મંદિર ભક્તો માટે ખોલવામાં આવ્યું છે, ત્યારબાદ મોટી સંખ્યામાં લોકો દર્શન માટે અયોધ્યા પહોંચી રહ્યા છે. 22 જાન્યુઆરી પછી માત્ર 11 દિવસમાં જ રામ મંદિર માટે 11 કરોડ રૂપિયાથી વધુ રકમ દાનના રૂપમાં આવી હતી. રામ જન્મભૂમિ તીર્થ ક્ષેત્ર અનુસાર 11 દિવસમાં લગભગ 25 લાખ ભક્તોએ રામ જન્મભૂમિના દર્શન કર્યું છે. છેલ્લા 10 દિવસમાં દાન પેટિયોમાં લગભગ 8 કરોડ રૂપિયા જમા થયું છે અને લગભગ 3.50 કરોડ રૂપિયા ઑનલાઈન પ્રાપ્ત થયા છે.

દરરોજ આટલા લોકો કરી રહ્યા દર્શન

રામ મંદિર ટ્રસ્ટના કાર્યાલય પ્રભારી પ્રકાશ ગુપ્તાના જણાવ્યા અનુસાર, રામ મંદિર દર્શન માટે દરરોજ 2 લાખથી વધુ ભક્તો પહોંચી રહ્યા છે. તેમણે કહ્યું કે મંદિરના ગર્ભગૃહમાં "દર્શન પથ" પાસે ચાર મોટા આકારની દાન પેટીઓ રાખવામાં આવી છે, જેમાં ભક્ત પૈસા દાન કરે છે.

નોંધપાત્ર છે કે 14 લોકોની એક ટીમ છે, જેમાં 11 બેન્ક કર્મચારીઓ અને મંદિર ટ્રસ્ટના ત્રણ લોકો સામેલ છે. આ સિવાય, 4 લોકો દાન પેટીમાં પ્રસાદની ગણત્રી કરે છે. તેમણે કહ્યું કે દાનની ગણતરી સીસીટીવી કેમેરાની દેખરેખ હેઠળ કરવામાં આવે છે.