Ram Mandir Donation: રામલલા બન્યા અબજોપતિ! રામ ભક્તો દિલ ખોલીને આપી રહ્યાં છે દાન, માત્ર 4 દિવસમાં જ રેકોર્ડબ્રેક ચઢાવો

Ram Mandir Donation: રામલલાના દર્શન માટે અયોધ્યામાં ભારે ભીડ જોવા મળી રહી છે. ભગવાન રામના દર્શન કરવા માટે ભક્તો મોટી સંખ્યામાં આવી રહ્યા છે અને મંદિરમાં ઉદાર હાથે દાન પણ આપી રહ્યા છે. રામ ભક્તોએ રામલલા પર પૈસાની વર્ષા કરી છે. રામ મંદિર માટે માત્ર દેશ જ નહીં વિદેશમાંથી પણ દાનની આવક થઈ રહી છે. રામલલાને ભક્તોએ અબજોપતિ બનાવી દીધા છે.

રામ ભક્તો રામલલાના દરબારમાં દિલ ખોલીને દાન કરી રહ્યા છે. ઓનલાઈન અને ઓફલાઈન બંને માધ્યમથી રામ મંદિર માટે દાન લેવામાં આવી રહ્યું છે. આંકડાઓ અનુસાર, ચાલો સમજીએ કે અત્યાર સુધીમાં કેટલું દાન મળ્યું છે. રામલલાના દર્શનના પ્રથમ દિવસે 2 કરોડ 90 લાખ રૂપિયા, 24 જાન્યુઆરીએ 2 કરોડ 43 લાખ રૂપિયા, 25 જાન્યુઆરીએ 8 લાખ 50 હજાર રૂપિયા અને 26 જાન્યુઆરીના પ્રજાસત્તાક દિવસે 1 કરોડ 15 લાખ રૂપિયાનું દાન કરવામાં આવ્યું હતું.

23 જાન્યુઆરી 2 કરોડ 90 લાખ

24 જાન્યુઆરી 2 કરોડ 43 લાખ

25 જાન્યુઆરી 8 લાખ 50 હજાર

26 જાન્યુઆરી રૂપિયા 1 કરોડ 15 લાખ

4 દિવસમાં કુલ રૂપિયા 7 કરોડ 8 લાખ

લાખો ભક્તોએ કર્યા દર્શન

રામલલાના અભિષેક બાદ જ્યારથી રામ મંદિરને સામાન્ય લોકો માટે ખોલવામાં આવ્યું છે ત્યારથી જ તેમાં ભક્તોની ભારે ભીડ જોવા મળી રહી છે. રામપથ અને મંદિર પરિસરમાં સવારથી જ ભક્તોની લાંબી કતારો જોવા મળી હતી. ભારે ઠંડી, ધુમ્મસ અને કાતિલ ઠંડી વચ્ચે લોકો મંદિરની બહાર કતારોમાં ઉભા જોવા મળ્યા હતા. ભક્તો 'જય શ્રી રામ'ના નારા લગાવતા જોવા મળે છે.

આ પણ વાંચો-Bank Holidays In February 2024: મહત્વપૂર્ણ કામ પતાવી લો, બેન્કોમાં ફેબ્રુઆરીમાં છે રજાઓની ભરમાર, નોંધી લો આ તારીખો