Maldives Row: આપણી પાસે જ્યારે લક્ષદ્વીપ અને અંદામાન છે તો પછી માલદીવ કેમ જઇએ? વિવાદ બાદ બિઝનેસ લીડર્સ પણ મેદાને

Indian Tycoons React to Maldives Row: માલદીવ સરકારે રવિવારે પીએમ મોદી અને ભારત વિશે અપમાનજનક પોસ્ટ પોસ્ટ કરવા બદલ તેના ત્રણ નાયબ પ્રધાનોને સસ્પેન્ડ કર્યા છે. વડાપ્રધાન નરેન્દ્ર મોદીએ લક્ષદ્વીપને પ્રવાસન સ્થળ તરીકે મંજૂર કર્યા બાદ માલદીવ સરકારના (હવે સસ્પેન્ડ કરાયેલ) નાયબ મંત્રીઓના ટ્વીટ દ્વારા સર્જાયેલા વિવાદ પર ભારતીય ઉદ્યોગપતિઓએ પણ આશ્ચર્ય વ્યક્ત કર્યું છે. તેમણે કહ્યું છે કે લક્ષદ્વીપ અને અંદામાન જેવા સ્થળો હોવા છતાં, ભારતીય પ્રવાસીઓ ટાપુ રાષ્ટ્ર (માલદીવ) જવા માટે આટલા પૈસા કેમ ચૂકવે છે?

એડલવાઈસના એમડી અને સીઈઓ રાધિક ગુપ્તાએ કહ્યું કે "હું ભારતીય પર્યટનની સંભવિતતા વિશે ઉત્સાહી છું. કારણ કે (1) ઈન્ફ્રાસ્ટ્રક્ચર અને (2) માર્કેટિંગ. PMની તાજેતરની મુલાકાતે આ સ્થળોને હાઇલાઇટ કર્યા છે, અમારી હોટેલ બ્રાન્ડ્સે વારંવાર સાબિત કર્યું છે કે લક્ઝરી સેવા કેવી રીતે આપવી. આવો એક વિશ્વ સ્તરે પર્યટનના અનુભવ માટે ભારતીય આતિથ્યનો સૌથી બેસ્ટ ઉપયોગ કરીએ

સીરમ ઈન્સ્ટિટ્યૂટ ઓફ ઈન્ડિયા (SII) ના સીઈઓ અદાર પૂનાવાલાએ લખ્યું, "આપણા દેશમાં અકલ્પનીય સંભાવનાઓ સાથે ઘણા અદ્ભુત પ્રવાસન સ્થળો છે; જેની સંપૂર્ણ એક્સપ્લોર કરવાના પણ હજું બાકી છે. શું તમારામાંથી કોઈ મારી પોસ્ટ દ્વારા કરાયેલા ફોટા પરથી લોકેશનનો અંદાજ પણ લગાવી શકશે, ફોટા માત્રથી તમે સ્વર્ગની અનુભૂતિ કરી શકો છો.

EaseMyTrip માલદીવ બુકિંગ સસ્પેન્ડ કરી

ઇઝ માય ટ્રીપના સહ-સ્થાપક અને સીઇઓ નિશાંત પિટ્ટીએ સોશિયલ મીડિયા પ્લેટફોર્મ પર જણાવ્યું હતું કે, "આપણા દેશ સાથે એકતામાં, ઇઝ માય ટ્રીપે માલદીવ્સની તમામ ફ્લાઇટ બુકિંગને સ્થગિત કરી દીધી છે."

ખેલાડીઓ અને કલાકારોએ માલદીવનું બુકિંગ રદ કર્યું

માલદીવના ડેપ્યુટી મિનિસ્ટર્સની ટીપ્પણીથી માત્ર સામાન્ય ભારતીયો જ નહીં પરંતુ ખેલાડીઓ અને કલાકારો પણ નારાજ છે. ઘણા લોકોએ તેમના બુકિંગ પણ રદ કર્યા છે, જેના કારણે માલદીવના રાજકારણીઓની નિંદા થઈ છે.

આ પણ વાંચો - Ram Temple: રામ આયેંગે; પ્રાણ-પ્રતિષ્ઠાના દિવસે 250થી વધુ ઘરોમાં થશે રામ-જાનકીનો જન્મ, પ્રસૂતિની તારીખ 22 જાન્યુઆરી માટે લાગી હોડ