દુનિયાની સૌથી મોટી ક્રિપ્ટોકરન્સીમાં થયો વધારો, લગભગ 2 વર્ષ પછી 45000ને પાર

વિશ્વની સૌથી મોટી ક્રિપ્ટોકરન્સી બિટકૉઈનની કિંમતમાં ઝડપીથી વધારો થયો છે. તે એપ્રિલ 2022 પછી પહેલી વખત 45,000 ડૉલરને પાર પહોંચી ગયો છે. 2 જાન્યુઆરી, 2024એ સવારના ટ્રેડમાં આ $45,386 સુદી પહોંતી ગયો હતો. સમાચાર લખ્યા સુધી બિટકોઈન 45,218.80 પર ટ્રેડ કરી રહ્યા છે. બિટકૉઈન 6.43 ટકાના વધારા સાથે $45,317.67 પર પહોંચીને 21 મહિનાની રિકૉર્ડ હાઈ પર પહોંચ્યો છે.

બિટકૉઈનના સિવાય પણ ઘણી ક્રિપ્ટોકરન્સીમાં વધારો જોવા મળ્યો. ઈથર (ETH)માં 3.8 ટકા, સોલાના (SOL)માં 7 ટકા અને કાર્ડનોમાં 5 ટકાનો વધારો જોવા મળ્યો છે. ક્રિપ્ટોકરન્સીમાં તેજી પાછળનું કારણ યુએસ એસઈસી સંબંધિત જાહેરાતોની અનુમાન છે. રૉઇટર્સના એક સમાચાર અનુસાર, યુએસ સિક્યોરિટીઝ એન્ડ એક્સચેન્જ કમિશન (SEC)એ 10 જાન્યુઆરી સુધીમાં Ark/21Sharesને નકારી કાઢવી અથવા પરવાનગી આપવાની છે. નોંધનીય છે કે સ્પૉટ બિટકૉઈન ઈટીએફ લૉન્ચ કરવા માટે અરજી કરી હતી.

એસેટ મેનેજમેન્ટ કંપનીઓની આશા છે કે તે બિટકોઇન ઈટીએફ માટે રેગ્યુલેટરી મંજૂરી મેળવા વાળી શરૂઆતી કંપની રહેશે. આ જ કારણ છે કે અચાનક ક્રિપ્ટોકરન્સીમાં ઉછાળો જોવા મળ્યો છે. તમને જણાવી દઈએ કે બ્લેકરૉક એસેટ મેનેજમેન્ટ, VanEck, વાલ્કીરી ઈન્વેસ્ટમેન્ટ્સ, બિટવાઈસ ઈન્વેસ્ટમેન્ટ એડવાઈઝર્સ, ઈન્વેસ્ટકો, ફિડેલિટી અને વિશડમટ્રી ઈન્વેસ્ટમેન્ટ્સ એવી કંપનીઓ છે જેણે પરવાનગી માટે દસ્તાવેજો ફાઈલ કર્યા છે.

ઘણી વખત નકારી કાઢ્યું

એસઈસી એ છેલ્લા 2 વર્ષમાં ઘણી વખત સ્પૉટ બિટકૉઈન ઈટીએફની અરજીઓને નકારી કાઢી હતી. એસઈસીએ કહ્યું હતું કે ટોકનની વિકેન્દ્રિકૃત અને અસ્થિર પ્રકૃતિ ફંડ મેનેજરોને બજારમાં હેરાફેરી સામે રોકાણકારની રક્ષા કરવાથી અટકાવશે. હાલમાં, તમામ યુ.એસ. ટ્રેડેડ બિટકૉઈન ઈટીએફ ટોકન પર વાયદાને ટ્રેક કરે છે, જેનો કારોબાર શિકાગો મર્કેન્ટાઇલ એક્સચેન્જ પર કરવામાં આવે છે. ક્રિપ્ટોકરન્સીના સમર્થકો દલીલ કરે છે કે સ્પૉટ ઇટીએફની મંજૂરી બિટકૉઇનના માટે કેપિટલ ફ્લો માં તેજી આવશે. જો કે, તેના વિરોધમાં બોલવા વાળા આ કહી રહ્યા છે કે તેનાથી કોઈ મોટી તેજીની આશા નથી રાખી શકે.