7th Pay Commission: શું સરકાર 27મી સપ્ટેમ્બરે DA વધારવાની કરશે જાહેરાત? સાથે મળી શકે છે 2 મહિનાના ડીએનું એરિયર્સ

7th Pay Commission: કેન્દ્રીય કર્મચારીઓની રાહ હવે પૂરી થવા જઈ રહી છે. કેન્દ્ર સરકાર તેમને ખૂબ જ સારા સમાચાર આપવા જઈ રહી છે. તેમના મોંઘવારી ભથ્થામાં મોટો વધારો થવા જઈ રહ્યો છે. એટલે કે એવું કહી શકાય કે સપ્ટેમ્બર મહિનો કેન્દ્રીય કર્મચારીઓ માટે સારા સમાચાર છે. મીડિયા રિપોર્ટ્સમાં સૂત્રોને ટાંકીને દાવો કરવામાં આવ્યો છે કે કેન્દ્ર સરકાર આ મહિને કેન્દ્રીય કર્મચારીઓના ડીએ વધારાને મંજૂરી આપી શકે છે. એવું કહેવામાં આવી રહ્યું છે કે 27 સપ્ટેમ્બરે યોજાનારી કેબિનેટની બેઠકમાં મોંઘવારી ભથ્થામાં વધારાને મંજૂરી મળી શકે છે.

DAમાં 4 ટકાનો વધારો નિશ્ચિત

વધેલો DA જુલાઈથી લાગુ થશે

કેન્દ્રીય કર્મચારીઓને હાલમાં 42 ટકાના દરે મોંઘવારી ભથ્થું મળી રહ્યું છે. ડીએમાં ચાર ટકાના વધારાની જાહેરાત બાદ તે વધીને 46 ટકા થઈ જશે. જો 3 ટકાનો વધારો થશે તો તે 45 ટકા થશે. AICPI ઇન્ડેક્સ અનુસાર, જૂન 2023 સુધીમાં કર્મચારીઓનો DA 46 ટકા પર પહોંચી ગયો છે. વધેલો ડીએ જુલાઈથી લાગુ થશે. જો સપ્ટેમ્બરમાં જાહેરાત કરવામાં આવે તો 2 મહિનાનું ડીએનું બાકી રહેલ પણ મળશે.

કર્મચારીઓના પગારમાં કેટલો વધારો થશે?

જે કર્મચારીઓનો લઘુત્તમ બેઝિક વેતન રૂપિયા 18,000 છે તેઓને હાલમાં 42 ટકાના દરે 7560 રૂપિયા પ્રતિ માસ ડીએ મળે છે. 46 ટકા પર પહોંચ્યા પછી, તેને દર મહિને 8280 રૂપિયાનું ડીએ મળશે. એટલે કે દર મહિને 720 રૂપિયાનો વધારો થશે. કર્મચારીઓના ડીએમાં વાર્ષિક ધોરણે 8640 રૂપિયાનો વધારો થશે. 56,900 રૂપિયાના મહત્તમ મૂળ પગાર ધરાવતા કર્મચારીઓને હાલમાં 23,898 રૂપિયા પ્રતિ માસ મોંઘવારી ભથ્થું મળી રહ્યું છે. 46 ટકા પછી તે 26,174 રૂપિયા પ્રતિ મહિને થઈ જશે એટલે કે DAમાં 2276 રૂપિયા પ્રતિ મહિને વધારો થશે. જો વાર્ષિક ધોરણે જોવામાં આવે તો DAમાં રૂપિયા 27,312નો વધારો થશે.

આ પણ વાંચો-G20 Summit: ચીનના રાષ્ટ્રપતિ શી જિનપિંગ ભારત કેમ નથી આવી રહ્યા? એક નહીં, 5-5 કારણો આવ્યા સામે