Bank FD Vs Small Savings Schemes: બેન્ક FD, PPF, પોસ્ટ ઓફિસ, સિનિયર સિટિઝન સેવિંગ્સ...પૈસાનું રોકાણ ક્યાં કરવું? જાણો કઈ સ્કીમ છે બેસ્ટ

Bank FD Vs Small Savings Schemes: નિવૃત્તિ પછી તેમને કોઈ આર્થિક સમસ્યાનો સામનો ન કરવો પડે એવી આશાએ દરેક વ્યક્તિ પોતાની મહેનતથી કમાયેલા પૈસાની થોડી રકમ બચાવે છે. જો કે, આ ટાર્ગેટ હાંસલ કરવા માટે, તમારી સેવિંગને યોગ્ય જગ્યાએ રોકાણ કરવાની જરૂર છે. જો તમે યોગ્ય જગ્યાએ રોકાણ કરો છો તો તમને જંગી વળતર મળી શકે છે. તાજેતરમાં, કેન્દ્ર સરકારે PPF, વરિષ્ઠ નાગરિક સેવિંગ યોજના, સુકન્યા સમૃદ્ધિ યોજના અને પોસ્ટ ઓફિસ ટાઈમ ડિપોઝિટ સહિત ઘણી નાની સેવિંગ યોજનાઓના વ્યાજ દરોમાં કોઈ ફેરફાર કર્યો નથી.

જોકે, 5 વર્ષની રિકરિંગ ડિપોઝીટ પર વ્યાજ દરમાં વધારો કરવામાં આવ્યો છે. વ્યાજ દર 6.5 થી વધારીને 6.7 ટકા કરવામાં આવ્યો છે. તેમાં 20 બેસિસ પોઈન્ટનો વધારો કરવામાં આવ્યો છે. પબ્લિક પ્રોવિડન્ટ ફંડ (PPF)ના વ્યાજ દરોમાં ફેરફારની શક્યતા હતી. પરંતુ, આ વખતે પણ સરકારે PPF રોકાણકારોને નિરાશ કર્યા છે. પીપીએફનો વ્યાજ દર 7.1 ટકા પર સ્થિર રાખવામાં આવ્યો છે. તે જ સમયે, સુકન્યા સમૃદ્ધિ યોજના અને કિસાન વિકાસ પત્ર જેવી યોજનાઓ પર વ્યાજ પણ સ્થિર રાખવામાં આવ્યું છે. આ વ્યાજ દરો 1 ઓક્ટોબરથી 31 ડિસેમ્બર સુધી લાગુ રહેશે.

નાણા મંત્રાલય દ્વારા જારી કરાયેલા નોટિફિકેશનમાં કહેવામાં આવ્યું છે કે સેવિંગ ખાતા પર 4.0 ટકા વ્યાજ આપવામાં આવી રહ્યું છે. છેલ્લા ક્વાર્ટરમાં પણ આ જ વ્યાજ આપવામાં આવ્યું હતું. ઓક્ટોબર-ડિસેમ્બર ક્વાર્ટરમાં પણ તેમાં કોઈ ફેરફાર થયો નથી.

1 વર્ષની પોસ્ટ ઓફિસ ટાઈમ ડિપોઝિટ – 6.9 ટકા વ્યાજ

2 વર્ષની પોસ્ટ ઑફિસ ટાઈમ ડિપોઝિટ - 7.0 ટકા વ્યાજ

3 વર્ષની પોસ્ટ ઓફિસ ટાઈમ ડિપોઝિટ - 7.0 ટકા વ્યાજ

5 વર્ષની પોસ્ટ ઓફિસ ટાઇમ ડિપોઝિટ - 7.5 ટકા વ્યાજ

5 વર્ષની રિકરિંગ ડિપોઝિટ - 6.7 ટકા વ્યાજ (અત્યાર સુધી તે 6.5 ટકા હતું)

રાષ્ટ્રીય સેવિંગ પ્રમાણપત્ર – 7.7 ટકા વ્યાજ

કિસાન વિકાસ પત્ર - 7.5 ટકા વ્યાજ (115 મહિનામાં પાકતી મુદત પર)

પબ્લિક પ્રોવિડન્ટ ફંડ- 7.1 ટકા વ્યાજ

સુકન્યા સમૃદ્ધિ યોજના – 8.0 ટકા વ્યાજ

માસિક આવક ખાતાની યોજના – 7.4 ટકા વ્યાજ

વરિષ્ઠ નાગરિક સેવિંગ યોજના – 8.2 ટકા વ્યાજ

નોટિફિકેશન મુજબ નાની સેવિંગ યોજનાઓ પર વ્યાજ દર 4 ટકાથી 8.2 ટકા સુધીની છે. જેમાં વરિષ્ઠ નાગરિક સેવિંગ યોજનાઓ પર વાર્ષિક 8.2 ટકા વ્યાજ દર છે.

જાણો બેન્ક FD પરના વ્યાજ દરો

HDFC બેન્ક થાપણદારની મુદત અને વયના આધારે રૂ. 2 કરોડથી ઓછીની ફિક્સ્ડ ડિપોઝિટ પર 7.75 ટકા સુધીના વ્યાજ દર ઓફર કરે છે. જ્યારે ICICI વાર્ષિક ધોરણે 7.75 ટકા સુધી વ્યાજ આપી રહી છે. સ્ટેટ બેન્ક ઓફ ઈન્ડિયા વાર્ષિક 7.75 ટકા સુધી વ્યાજ આપે છે.

આ પણ વાંચો-Indian Map: ભારતના નકશામાં શ્રીલંકા બતાવવામાં આવે છે, ચીન કે પાકિસ્તાન કેમ નહીં? જાણો કારણ