Life Certificate: હવે લાઈફ સર્ટિફિકેટ આપવા માટે બેન્ક જવાની નહીં પડે જરૂર, 70 રૂપિયા ભરીને ઘરે બેસીને પૂર્ણ થશે કામ

Life Certificate: નવેમ્બર મહિનો શરૂ થઇ ગયો છે. દેશભરના કરોડો પેન્શનરો અને વરિષ્ઠ નાગરિકો માટે આ મહિનો ખૂબ જ મહત્વપૂર્ણ છે. નિયમો અનુસાર દરેક વ્યક્તિએ આ મહિને તેમનું જીવન પ્રમાણપત્ર એટલે કે ડિજિટલ જીવન પ્રમાણપત્ર સબમિટ કરવું પડશે. કેન્દ્ર સરકારના નિયમો અનુસાર પેન્શનધારકો જેમની ઉંમર 80 વર્ષથી વધુ છે તેમને 1 ઓક્ટોબરથી 30 નવેમ્બર સુધી તેમનું જીવન પ્રમાણપત્ર જમા કરાવવાની તક મળી રહી છે. 60 વર્ષથી વધુ ઉંમરના લોકોને 1 નવેમ્બરથી 30 નવેમ્બરની વચ્ચે તેમનું જીવન પ્રમાણપત્ર જમા કરાવવાની તક મળી રહી છે.

70 રૂપિયામાં કામ થશે

ડોર સ્ટેપ બેન્કિંગ દ્વારા જીવન પ્રમાણપત્ર સબમિટ કરવા માટે શું કરવું તે જાણો

1. આધાર નંબર

2. મોબાઈલ નંબર

3. આધાર નંબર પેન્શન ચૂકવનાર બેન્ક ખાતા અથવા પોસ્ટ ઓફિસ ખાતા સાથે લિંક હોવો આવશ્યક છે.

4. બાયોમેટ્રિક્સ પણ આપવાનું રહેશે.

5. તમારા માટે PPO નંબર (પેન્શન પેમેન્ટ ઓર્ડર), પેન્શન એકાઉન્ટ નંબર, બેન્ક વિગતો વગેરે જેવી વસ્તુઓ હોવી પણ મહત્વપૂર્ણ છે.

નોંધણી પ્રક્રિયા

સ્ટેટ બેન્કની વેબસાઈટ પર આપેલી માહિતી મુજબ ડોર સ્ટેપ બેન્કિંગ એપ ડાઉનલોડ કરો. આ પછી તમારો મોબાઈલ નંબર એન્ટર કરીને પોતાને રજીસ્ટર કરો. પછી એક OTP આવશે જે DSB એપ્લિકેશન પર દાખલ કરવો આવશ્યક છે. ત્યારબાદ તમારે તમારું નામ, પિન કોડ, ઈમેલ, પાસવર્ડ અને ટર્મ એન્ડ કન્ડિશન પૂર્ણ કરવાની રહેશે અને સરનામું દાખલ કર્યા પછી, સમય સ્લોટ પસંદ કરવાનો વિકલ્પ હશે.

પછી બેન્ક તમારા ખાતામાંથી ડોર સ્ટેપ બેન્કિંગ ચાર્જ આપમેળે ડેબિટ કરશે. આ પછી તમને એક સર્વિસ નંબર મળશે. જેની બેન્ક એક મેસેજ મોકલશે જેમાં એજન્ટનું નામ, મોબાઈલ નંબર અને અન્ય માહિતી નોંધવામાં આવશે. અને અંતે તમારું જીવન પ્રમાણપત્ર તમારા ઘરે જ જમા થઈ જશે.

આ પણ વાંચો-NOKIA CASE: Nokiaએ Amazon અને HP સામે દાખલ કર્યો દાવો, બંને કંપનીઓને પેટન્ટ ઉલ્લંઘનનો મૂક્યો આરોપ