Life Certificate: પેન્શનરો માટે મહત્વના સમાચાર! પેન્શન સંબંધિત આ કામ 30 નવેમ્બર સુધીમાં પૂર્ણ કરવું જરૂરી

Life Certificate: સરકારી પેન્શન મેળવનાર વ્યક્તિઓએ 30 નવેમ્બર 2023 સુધીમાં વાર્ષિક જીવન પ્રમાણ અથવા જીવન પ્રમાણપત્ર સબમિટ કરવું જરૂરી છે. પેન્શનર પોતાનું વાર્ષિક જીવન પ્રમાણપત્ર છ અલગ અલગ રીતે સબમિટ કરી શકે છે. પેન્શનરોને હવે ડિજિટલ લાઇફ સર્ટિફિકેટની ઍક્સેસ છે. એટલે કે હવે તેઓ ઘરે બેઠા બાયોમેટ્રિક ઓળખની ડિજિટલ સેવાનો ઉપયોગ કરી શકશે. આધાર આધારિત બાયોમેટ્રિક વેરિફિકેશનનો ઉપયોગ કરીને ડિજિટલ લાઇફ સર્ટિફિકેટ બનાવી શકાય છે.

દર વર્ષે પેન્શનરોએ તેમનું જીવન પ્રમાણપત્ર 30 નવેમ્બર સુધીમાં જમા કરાવવાનું હોય છે. જ્યાંથી પેન્શન આવે છે ત્યાંથી તેઓએ તેમનું જીવન પ્રમાણપત્ર રજૂ કરવું પડશે. ઉદાહરણ તરીકે, જો તમારું પેન્શન SBI બેંકમાં આવે છે, તો તમારે ત્યાં તમારું જીવન પ્રમાણપત્ર આપવું પડશે. તમે સરકારની વેબસાઇટ પર જીવન પ્રમાણપત્ર પણ સબમિટ કરી શકો છો. ત્યાંથી તમામ સરકારી એજન્સીઓ તમારા જીવન પ્રમાણપત્રને ઍક્સેસ કરી શકે છે.

આ જીવન પ્રમાણપત્ર સબમિટ કરવાના ઓપ્શન્સ પણ છે

જીવન પ્રમાણપત્ર જીવન પ્રમાણ પોર્ટલ દ્વારા સબમિટ કરી શકાય છે.

જીવન પ્રમાણપત્ર ચહેરા પ્રમાણીકરણ દ્વારા સબમિટ કરી શકાય છે.

લાઈફ સર્ટિફિકેટ ઘરે બેઠા પોસ્ટમેન દ્વારા પણ જમા કરાવી શકાય છે.

ઈન્ડિયા પોસ્ટ પેમેન્ટ્સ બેંક (IPPB) દ્વારા જીવન પ્રમાણપત્ર સબમિટ કરી શકાય છે.

પેન્શનરો નિયુક્ત અધિકારી દ્વારા સહી કરેલ જીવન પ્રમાણપત્ર પણ સબમિટ કરી શકે છે.

પેન્શનરો ડોરસ્ટેપ બેંકિંગ દ્વારા જીવન પ્રમાણપત્ર પણ સબમિટ કરી શકે છે.

આ પણ વાંચો-Walk Daily: રોજના વધારાના 500 સ્ટેપ ચાલવાથી બીમારીઓ થશે દૂર, કાર્ડિયોલોજિસ્ટ જણાવે છે સ્વસ્થ જીવનનું રહસ્ય