UPI: 1 જાન્યુઆરીથી બંધ થશે આ લોકોનું UPI, જાણો શા માટે તેનો ઉપયોગ કરી શકશે નહીં

UPIને લઈને મોટા સમાચાર આવી રહ્યા છે. કેટલાક લોકો 1 જાન્યુઆરી, 2024 થી તેનો ઉપયોગ કરી શકશે નહીં. નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ UPI ને એક મુખ્ય સૂચના જારી કરી છે. NPCI એ PhonePe અને Google Pay જેવી થર્ડ પાર્ટી એપ્સ અને બેન્કોને આવા તમામ UPI ID ને બંધ કરવા કહ્યું છે કે જેનાથી એક વર્ષ સુધી કોઈ વ્યવહાર થયો નથી. આ કરતા પહેલા યુઝર્સને ઈમેલ અથવા મેસેજ દ્વારા આ જાણકારી આપવા માટે પણ કહેવામાં આવ્યું છે. NPCIએ 31 ડિસેમ્બર 2023 સુધીનો સમય આપ્યો છે.

UPI અંગે આવો નિર્ણય શા માટે?

નવા વર્ષથી કોણ UPI ટ્રાજેક્શન કરી શકશે નહીં?

જો છેલ્લા એક વર્ષથી તમારા UPI ID દ્વારા કોઈ ચુકવણી કરવામાં આવી નથી, તો નવા વર્ષથી તમારું ID બંધ થઈ જશે. ખરેખર, NPCIને ખોટા ટ્રાજેક્શનની ઘણી ફરિયાદો મળી છે. તેને ધ્યાનમાં રાખીને આવા પગલા લેવામાં આવી રહ્યા છે. ઘણી વખત એવું પણ બને છે કે લોકો પોતાનો મોબાઈલ નંબર તો બદલી નાખે છે પરંતુ લિંક કરેલ UPID ને સ્વિચ કરતા નથી. બાદમાં તે નંબર અન્ય કોઈને આપવામાં આવે છે અને UPI ID ત્યાં સક્રિય રહે છે. આવી સ્થિતિમાં, જો કોઈ વ્યક્તિ તે નંબર પર પૈસા મોકલે છે, તો તે તે વ્યક્તિ દ્વારા પ્રાપ્ત થાય છે જેની પાસે તે નંબર છે.

UPI શું છે?

UPI એટલે કે યુનિફાઈડ પેમેન્ટ ઈન્ટરફેસ ઈન્સ્ટન્ટ ઓનલાઈન પેમેન્ટ કરવાની એક રીત છે. NPCI એ UPI બનાવવા અને ચલાવવાનું કામ કર્યું છે. તમે Google Pay, Phone Pay અથવા કોઈપણ બેન્કની એપ પર UPI ID જનરેટ કરીને ટ્રાજેક્શન કરી શકો છો. સૌથી મહત્વની વાત એ છે કે UPIનો ઉપયોગ કરવા માટે કોઈ વધારાનો ચાર્જ ચૂકવવાની જરૂર નથી.

આ પણ વાંચો - Benefits of coconut peel: નારિયેળની છાલ ખૂબ જ ઉપયોગી છે, તેને કચરામાં ફેંકતા પહેલા જાણી લો નારિયેળની છાલના આ 5 ઉપયોગ