Aadhaar card update: આધારકાર્ડ અપડેટ કરવાની વધી સમયમર્યાદા, હવે 14મી ડિસેમ્બર સુધી મફતમાં થશે આધાર સંબંધિત કામ

Aadhaar card free update: આધાર કાર્ડ યુઝર્સને મોટી સુવિધા પૂરી પાડતા, યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) એ હવે તેને મફતમાં અપડેટ કરવાની સમયમર્યાદા લંબાવી છે. આ સતત બીજી વખત છે જ્યારે તેને લંબાવવામાં આવી રહ્યું છે. અગાઉ, આધાર કાર્ડને મફતમાં અપડેટ કરવાની તારીખ 14મી જૂન 2023 નક્કી કરવામાં આવી હતી, પરંતુ તે પહેલા તેને ત્રણ મહિના માટે 14મી સપ્ટેમ્બર સુધી લંબાવી દેવામાં આવી હતી. હવે ફરી એકવાર UIDAIએ આ સુવિધાને 14 ડિસેમ્બર 2023 સુધી લંબાવવાની જાહેરાત કરી છે.

ફ્રી અપડેટની સુવિધા 15 માર્ચથી છે ચાલુ

માય આધાર પોર્ટલ દ્વારા અપડેટ મેળવો

UIDAIએ એક સત્તાવાર મેમોરેન્ડમમાં જણાવ્યું છે કે, સરકાર વધુને વધુ લોકોને તેમના આધાર દસ્તાવેજો અપડેટ કરવા માટે ત્રણ મહિનાનો વધારાનો સમય આપી રહી છે અને આ કામ હવે માયઆધાર પોર્ટલ દ્વારા 14 ડિસેમ્બર સુધી મફતમાં અપડેટ કરી શકાશે. નોંધનીય છે કે યુઆઈડીએઆઈએ આધાર કાર્ડ ધારકને નોંધણીની તારીખથી 10 વર્ષ પૂર્ણ થયા બાદ તેમાં આપેલા દસ્તાવેજોને એકવાર અપડેટ કરવા કહ્યું છે. આ કામ ઘરે બેઠા સરળતાથી પૂર્ણ કરી શકાય છે.

આ કામ માટે ચૂકવવો પડતો હતો આટલો ચાર્જ

અત્યાર સુધી, આધાર કાર્ડ ધારકને તેના કાર્ડમાં કોઈપણ પ્રકારનું અપડેટ કરવા માટે 25 રૂપિયા ઓનલાઈન અને 50 રૂપિયા ઓફલાઈન ફી ચૂકવવી પડતી હતી. એટલે કે, જો તમે દસ્તાવેજ અપડેટ કરાવવા માટે આધાર સેન્ટર પર ગયા છો, તો 50 રૂપિયા લેવામાં આવ્યા હતા. જો આ કામ myAadhaar પોર્ટલ દ્વારા કરવામાં આવે તો 25 રૂપિયાની ફી ચૂકવવી પડતી હતી. પરંતુ 15 માર્ચ, 2023થી ઓનલાઈન આધાર અપડેટની સુવિધા બિલકુલ મફત છે.યુનિક આઈડેન્ટિફિકેશન ઓથોરિટી ઓફ ઈન્ડિયા એટલે કે UIDAI એ માર્ચ મહિનામાં તેને મફતમાં ઓનલાઈન અપડેટ કરવાની સુવિધા આપી છે અને હવે તમે આ કામ 14 ડિસેમ્બર 2023 સુધી બિલકુલ મફતમાં કરાવી શકો છો.

આ પણ વાંચો-Highest Run Scorers in ICC World Cup: ક્રિકેટ વર્લ્ડ કપના ઇતિહાસમાં સૌથી વધુ રન બનાવનાર ખેલાડીઓ