નાણામંત્રી નિર્મલા સીતારમને રજૂ કર્યું બજેટ, કહ્યું આ બજેટ આગામી 25 વર્ષની બ્લૂપ્રિન્ટ

Budget 2023: કેન્દ્રીય નાણાંમંત્રી નિર્મલા સીતારમણ બજેટ રજૂ કરી રહ્યાં છે.બજેટમાં અનેક જાહેરાતો કરવામાં આવી છે. મોદી સરકારના બીજા કાર્યકાળનું આ પૂર્ણ બજેટ છે.2024 લોકસભા ચૂંટણી પહેલા આ બજેટ મહત્વનું માનવામાં આવે છે. વિશ્વના મોટા અર્થતંત્રોની ગતિ ધીમી પડી છે અને સંભવિત મંદીમાં ધકેલાઈ રહ્યાં છે તેવા સમયે ભારતનું બજેટ રજૂ થઈ રહ્યું છે.

-પીએમ કૌશલ્ય યોજના 4.0 લોન્ચ

-NGO સાથે મળીને સાક્ષરતા પર કામ કરાશે

-પીએમ આવાસ યોજનાનું ફંડ વધારાશે

-દેશમાં નવી 157 નર્સિંગ કોલેજો બનાવાશે

-પશુપાલન અને ખેતી માટે કરોડો રૂપિયાનું બજેટ

-ખેતીમાં સ્ટાર્ટ અપ માટે મળશે સહાય

-દેશમાં 50 નવા એરપોર્ટ બનશે

નાણાંમંત્રીએ કહ્યું કે દેશની આઝાદીના સુવર્ણકાળનું આ પ્રથમ બજેટ છે. અમે દરેક વિભાગ સુધી પહોંચવાનો પ્રયાસ કર્યો છે. ખાસ કરીને યુવાનો અને તમામ વર્ગના લોકોને આર્થિક મજબૂતી આપવાના પ્રયાસો કરવામાં આવ્યાં છે.વિશ્વમાં મંદી હોવા છતાં, અમારું વર્તમાન વિકાસ અનુમાન 7 ટકાની આસપાસ છે અને ભારત પડકારજનક સમયમાં ઝડપી વિકાસ તરફ આગળ વધી રહ્યું છે, વિશ્વભરના લોકોએ ભારતના વિકાસની પ્રશંસા કરી છે, આ બજેટ આગામી 25 વર્ષ માટેનું બ્લુ પ્રિન્ટ છે, કોવિડ રસીકરણ અભિયાન દેશને એક નવા સ્તરે લઈ ગયો છે અને વિશ્વએ ભારતની શક્તિને ઓળખી છે.

ગ્લોબલ હબ ફોર મિલેટ્સ હેઠળ મિલેટ્સમાં ભારત ઘણું આગળ છે. ખેડૂતો માટે પોષણ, ખાદ્ય સુરક્ષા અને આયોજન માટે બાજરીના કાર્યક્રમો ચલાવવામાં આવી રહ્યાં છે.શ્રીઅન્ના રાડી, શ્રીઅન્ના બાજરા, શ્રીઅન્ના રામદાના, કુંગની, કુટ્ટુ આ બધાનાં સ્વાસ્થ્ય માટે ઘણા ફાયદા છે.બાજરીમાં ખેડૂતોનું ઘણું યોગદાન છે અને શ્રી અન્નાને હબ બનાવવાના પ્રયાસો થઈ રહ્યાં છે. શ્રીઆનાના નિર્માણ માટે હૈદરાબાદની રિસર્ચ ઇન્સ્ટિટ્યૂટ તરફથી ઘણી મદદ મળી રહી છે.