Amazon Layoff : હવે થઈ રહી છે HR અને ક્લાઉડ યુનિટના કર્મચારીઓની છટણી, 9000 કર્મચારીઓને આપવામાં આવશે રોજગારી

Amazon Layoff : વિશ્વભરમાં ઘણી મોટી અને નાની કંપનીઓએ છટણીની જાહેરાત કરી છે. જાયન્ટ કંપની એમેઝોને માર્ચમાં છટણીના બીજા રાઉન્ડના ભાગરૂપે 9000 કર્મચારીઓને દૂર કરવાની પણ જાહેરાત કરી હતી. આ જાહેરાત હેઠળ, કંપનીએ છટણી શરૂ કરી દીધી છે. એમેઝોને બુધવારે તેના ક્લાઉડ કમ્પ્યુટિંગ અને હ્યુમન રિસોર્સિસ વિભાગમાં કેટલાક કર્મચારીઓને છૂટા કર્યા. એમેઝોન વેબ સર્વિસીસના સીઇઓ એડમ સેલિપ્સકી અને હ્યુમન રિસોર્સિસના વડા બેથ ગેલેટીએ યુએસ, કેનેડા અને કોસ્ટા રિકામાં કર્મચારીઓને છટણીના મેસેજીસ મોકલ્યા. આ મેસેજમાં, સેલિપ્સકીએ છટણી પર ખેદ વ્યક્ત કરતા લખ્યું કે, "આ અમારી સંસ્થા માટે મુશ્કેલ દિવસ છે."

માર્ચમાં છટણીની જાહેરાત કરવામાં આવી હતી

પહેલા રાઉન્ડમાં 18000 કર્મચારીઓએ તેમની નોકરી ગુમાવી હતી

એમેઝોને આ વર્ષની શરૂઆતમાં છટણીના પ્રથમ રાઉન્ડની જાહેરાત કરી હતી. આ અંતર્ગત 18000 કર્મચારીઓને નોકરીમાંથી કાઢી મૂકવામાં આવ્યા હતા. એમેઝોનના 29 વર્ષના ઈતિહાસમાં સંયુક્ત રીતે આ સૌથી મોટી છટણી છે. એમેઝોનના સીઈઓ એન્ડી જેસી કંપનીની ખર્ચ ઘટાડવાની વ્યૂહરચના પર કામ કરી રહ્યા છે. કંપનીએ તેના કોર્પોરેટ વર્કફોર્સમાં ભરતી પર પણ પ્રતિબંધ મૂક્યો છે. કેટલાક પ્રાયોગિક પ્રોજેક્ટ સ્થગિત કરવામાં આવ્યા છે અને વેરહાઉસ વિસ્તરણ પણ ધીમી પડી ગયું છે.