Appleએ ભારતમાં રેકોર્ડ $6 બિલિયન iPhone વેચ્યા, હવે કંપની રિટેલ વેચાણ પર કરી રહી છે ફોકસ

iPhone નિર્માતા Apple એ FY 2023 દરમિયાન ભારતમાં $6 બિલિયનનું વેચાણ કર્યું છે. એક નાણાકીય વર્ષમાં Apple India દ્વારા નોંધાયેલ આ સૌથી વધુ વેચાણ છે. આ એપલ માટે ભારતીય બજારનું વધતું મહત્વ દર્શાવે છે. આ આંકડો એવા સમયે આવ્યો છે જ્યારે એપલના સીઈઓ ટિમ કૂક પોતાની કંપનીનો પહેલો ઓફલાઈન સ્ટોર ખોલવા માટે ભારતમાં છે. બ્લૂમબર્ગના અહેવાલ મુજબ, Appleની આવકમાં 50 ટકા વૃદ્ધિ નોંધાઈ છે કારણ કે ગયા નાણાકીય વર્ષમાં ભારતમાં તેનું વેચાણ $4.1 બિલિયન હતું. Apple માર્ચ ક્વાર્ટરના આંકડા 4 મેના રોજ જાહેર કરશે અને કંપનીએ આ સમયગાળા દરમિયાન તેની વૈશ્વિક આવકમાં ઘટાડો દર્શાવ્યો છે.

ટિમ કૂક આ અઠવાડિયે ભારતમાં Appleના પ્રથમ સ્ટોરનું ઉદ્ઘાટન કરશે. કંપનીને આશા છે કે આ રિટેલ સ્ટોર્સ તેને 1.4 અબજ લોકોના દેશમાં તેની હાજરીને મજબૂત બનાવવામાં મદદ કરશે. દેશના સ્માર્ટફોન અને કોમ્પ્યુટર માર્કેટમાં એપલનો માર્કેટ શેર ઘણો ઓછો છે અને તેની પાછળ તેમની મોંઘી કિંમત મુખ્યત્વે જવાબદાર હોવાનું કહેવાય છે.

Apple અત્યાર સુધી ભારતમાં વેચાણ માટે છૂટક ભાગીદારો અને ઓનલાઈન વેચાણ પર નિર્ભર હતી. કંપનીએ વર્ષ 2020માં દેશમાં તેનો પહેલો ઓનલાઈન સ્ટોર ખોલ્યો હતો. ગયા મંગળવારે એપલે મુંબઈમાં તેનો પહેલો ઑફલાઇન સ્ટોર ખોલ્યો હતો અને આ અઠવાડિયે તે દિલ્હીમાં પણ તેના એક સ્ટોરનું ઉદ્ઘાટન કરવા જઈ રહ્યું છે. કંપનીને આનાથી તેના વેચાણમાં ભારે ઉછાળાની અપેક્ષા છે.

કોરોના મહામારી દરમિયાન ભારતમાં Appleનું વેચાણ વધ્યું. લોકોએ ઘરેથી અભ્યાસ કરવા અને કામ કરવા માટે કંપનીના iPhones અને iPads ખરીદ્યા. વેચાણની ગતિ સતત વધી રહી છે અને ફાઇનાન્સ વિકલ્પોની ઉપલબ્ધતા દ્વારા પણ મદદ મળી છે.

ભારત વિશ્વનું બીજું સૌથી મોટું સ્માર્ટફોન માર્કેટ છે. દેશમાં લગભગ 700 મિલિયન સ્માર્ટફોન યુઝર્સ છે. જો કે એપલ પાસે ભારતમાં માત્ર 4 ટકા બજાર હિસ્સો છે, જે ઘણો ઓછો છે. જો કે Apple એ મોબાઈલ સેગમેન્ટની સૌથી મોટી કંપની છે જેની કિંમત 30,000 રૂપિયાથી વધુ છે.