China Property Market: ચીનમાં 72 લાખ ન વેચાયેલા મકાનો! 1.4 અબજની વસ્તી, હજુ પણ ખરીદનાર કેમ નથી

China Property Market: ચીનમાં લગભગ 72 લાખ મકાનો વેચાયા વગરના છે. ચીનની વસ્તી 1.4 અબજ હોવા છતાં તેઓ ખરીદદારો શોધી શક્યા નથી. રોઇટર્સના રિપોર્ટ અનુસાર, આ ડેટા ચીનના નેશનલ બ્યુરો ઓફ સ્ટેટિસ્ટિક્સ (NBS)નો છે. તાજેતરના ડેટા દર્શાવે છે કે ઓગસ્ટ 2023ના અંત સુધીમાં, ન વેચાયેલા ઘરોનો કુલ ફ્લોર એરિયા 648 મિલિયન ચોરસ મીટર (7 અબજ ચોરસ ફૂટ) હતો. 90 ચોરસ મીટરના સરેરાશ ઘરના કદના આધારે, આ ફ્લોર એરિયા 72 લાખ મકાનો સમકક્ષ હશે. ચીનનું પ્રોપર્ટી માર્કેટ એક સમયે દેશની અર્થવ્યવસ્થાનો મજબૂત આધારસ્તંભ હતો પરંતુ હાલમાં તે સંકટમાં છે.

વર્ષ 2021માં ચીનની અગ્રણી રિયલ એસ્ટેટ કંપની ચાઈના એવરગ્રાન્ડે ગ્રૂપે લોનની ચુકવણીમાં ડિફોલ્ટ કર્યું હતું. ત્યારથી ચીનના પ્રોપર્ટી સેક્ટરમાં ઘટાડો જોવા મળી રહ્યો છે. કન્ટ્રી ગાર્ડન હોલ્ડિંગ્સ જેવા મોટા ડેવલપર્સ હજુ પણ ડિફોલ્ટની નજીક છે, જેણે ઘર ખરીદવામાં ચીનનો રસ ઘટાડ્યો છે.

ન વેચાયેલી મિલકતો માટે ઉલ્લેખિત ડેટામાં એવા અસંખ્ય રહેણાંક પ્રોજેક્ટ્સની ગણતરી કરવામાં આવતી નથી કે જેઓ પહેલેથી વેચાઈ ચૂક્યા છે પરંતુ રોકડ પ્રવાહની સમસ્યાને કારણે હજુ પૂર્ણ થવાના બાકી છે. અથવા તે મકાનો કે જે 2016 માં પ્રોપર્ટી માર્કેટની છેલ્લી તેજી દરમિયાન સટોડિયાઓએ ખરીદ્યા હતા પરંતુ હજુ પણ ખાલી પડ્યા છે. જો આ બે પ્રકારની મિલકતોને પણ જોડવામાં આવે તો ચીનમાં ખાલી પડેલા મકાનો/સંપત્તિઓની સંખ્યા વધુ વધી જશે.

ખાલી મકાનોની સંખ્યા 3 અબજ લોકો માટે પૂરતી છે

ચીનના સત્તાવાર મીડિયા ચાઇના ન્યૂઝ સર્વિસના વિડિયો અનુસાર, આંકડાકીય બ્યુરોના ભૂતપૂર્વ નાયબ વડા, 81 વર્ષીય હી કેંગે જણાવ્યું હતું કે, હવે કેટલા ખાલી મકાનો છે તેના પર દરેક નિષ્ણાત અલગ નંબર આપે છે. સૌથી વધુ સ્વીકૃત અંદાજ એ છે કે ચીનમાં હાલમાં ખાલી પડેલા મકાનોની સંખ્યા 3 અબજ લોકો માટે પૂરતી છે. આ અંદાજ થોડો વધારે હોઈ શકે છે, પરંતુ ચીનના 1.4 અબજ લોકો કદાચ તેને ભરી શકતા નથી.

આ પણ વાંચો - Upcoming IPO: Akumsએ IPOની તૈયારી શરૂ કરી, 4 ઈન્વેસ્ટમેન્ટ બેન્કોને બનાવ્યા સલાહકાર