Go First: GoFirstને DGCA તરફથી ફ્લાઇટ્સ ફરી શરૂ કરવા માટે મળી મંજૂરી, પરંતુ કેટલી શરતોનું કરવું પડશે પાલન

Go First: દેવામાં ડૂબેલી એરલાઇન કંપની ‘ગો ફર્સ્ટ'ની ફ્લાઇટ્સ ફરીથી શરૂ કરવાની યોજનાને ડિરેક્ટોરેટ જનરલ ઓફ સિવિલ એવિએશન (DGCA) દ્વારા મંજૂરી આપવામાં આવી છે. જોકે, DGCAએ કેટલીક શરતો સાથે આ મંજૂરી આપી છે. ડીજીસીએએ જણાવ્યું હતું કે રેગ્યુલેટર પાસેથી જરૂરી ફંડ અને ફ્લાઇટ શેડ્યૂલની મંજૂરી પછી એરલાઇનને તેની ફ્લાઇટ કામગીરી શરૂ કરવાની મંજૂરી આપવામાં આવશે.

એવિએશન રેગ્યુલેટરે જણાવ્યું હતું કે, "જાણવામાં આવે છે કે 28 જૂને GoFirst દ્વારા સબમિટ કરવામાં આવેલ ડિસ્ક્લોઝર પ્લાન સક્ષમ અધિકારી દ્વારા પરીક્ષા બાદ સ્વીકારવામાં આવ્યો છે. જો કે, આ મંજૂરી દિલ્હી હાઈકોર્ટ અને NCLTની દિલ્હી બેન્ચ સમક્ષ પડતર અરજીઓને આધીન છે"

અધિકારીએ જણાવ્યું હતું કે રેગ્યુલેટરી મંજૂરી પછી, એરલાઈને હવે 15-18 એરક્રાફ્ટ અને દરરોજ 130 ફ્લાઈટ્સ સાથે બિઝનેસ ફરી શરૂ કરવાનો અને આગામી સપ્તાહમાં 22 એરક્રાફ્ટ સાથે દરરોજ 160 ફ્લાઈટ્સ વધારવાનો નિર્ણય લીધો છે.

ડીજીસીએની નવી માર્ગદર્શિકા મુજબ, એરલાઈને ફ્લાઈટ્સ ફરી શરૂ કરવા માટે નીચેની શરતોનું પાલન કરવું પડશે:

એર ઓપરેટર સર્ટિફિકેટ હોલ્ડિંગ પર લાગુ થતી તમામ રેગ્યુલેટરી આવશ્યકતાઓનું પાલન હંમેશા સુનિશ્ચિત કરવામાં આવશે.

જે એરક્રાફ્ટ સાથે બિઝનેસ શરૂ કરવામાં આવશે તે એરક્રાફ્ટની હવાઈ યોગ્યતા હંમેશા સુનિશ્ચિત કરવામાં આવશે

ફ્લાઇટ માટે સંતોષકારક અહેવાલ વિના કોઈપણ વિમાન ઉડાન માટે તૈનાત કરવામાં આવશે નહીં.

રિઝોલ્યુશન પ્લાન પર અસર કરતી કંપનીમાં કોઈપણ ફેરફારની તરત જ DGCAને જાણ કરવામાં આવશે.

આ પણ વાંચો - ઇન્વેસ્ટર્સે વડાપ્રધાન મોદીને કરી ફરિયાદ, કહ્યું- રિયલ મની ગેમિંગ પર 28% GSTથી $2.5 બિલિયન ડૂબી જવાનો ભય