HDFC બેન્કે દિવાળી પહેલા કસ્ટમર્સને આપ્યો ઝટકો, MCLR વધ્યો, કાર અને હોમ લોન થશે મોંઘી

HDFC Home Loan Interest Rate: દેશની સૌથી મોટી ખાનગી ક્ષેત્રની બેન્ક HDFC એ દિવાળી પહેલા પોતાના કસ્ટમર્સને આંચકો આપ્યો છે. HDFC એ કેટલીક મુદતની લોન પર MCLR વધાર્યો છે. બેન્કે MCLRમાં 5 બેસિસ પોઈન્ટ એટલે કે 0.05 ટકાનો વધારો કર્યો છે. બેન્કના MCLRમાં વધારો કરવાથી હોમ લોન, પર્સનલ લોન અને ઓટો લોન સહિત તમામ પ્રકારની ફ્લોટિંગ લોનની EMI વધશે. એટલે કે દિવાળી પહેલા કસ્ટમર્સના ખિસ્સા પર અસર પડી શકે છે અને તેમની હોમ અને કાર લોનની EMI વધી શકે છે. આ નવા રેટ્સ આજે 7 નવેમ્બર 2023 થી લાગુ ગણવામાં આવશે.

HDFC બેન્કના નવા MCLR રેટ્સ

એક મહિનાનો MCLR 15 bps વધારીને 8.65 ટકાથી વધારીને 8.70 ટકા કરવામાં આવ્યો છે.

ત્રણ મહિનાનો MCLR પણ અગાઉના 8.85 ટકાથી 10 બેસિસ પોઇન્ટ વધારીને 8.90 ટકા કરવામાં આવ્યો છે.

છ મહિનાનો MCLR 9.10 ટકાથી 5 bps વધીને 9.15 ટકા થયો છે.

એક વર્ષથી વધુ સમયગાળા માટે MCLR 9.20 ટકા છે. તેમાં 0.05 ટકાનો વધારો કરવામાં આવ્યો છે. અગાઉ તે 9.15 ટકા હતો.

2 વર્ષથી વધુ સમયગાળા માટે MCLR 9.20 ટકા છે. આમાં કોઈ ફેરફાર કરવામાં આવ્યો નથી.

3 વર્ષથી વધુ સમયગાળા માટે MCLR 9.25 ટકાથી વધારીને 9.30 ટકા કરવામાં આવ્યો છે.

નવા રેટ્સ 7 નવેમ્બર 2023થી અમલમાં આવી ગયા છે

ડિપોઝિટ રેટ, રેપો રેટ, ઓપરેશનલ કોસ્ટ અને કેશ રિઝર્વ રેશિયો જાળવવાની કિંમત સહિત એમસીએલઆર નક્કી કરતી વખતે વિવિધ પરિબળોને ધ્યાનમાં લેવામાં આવે છે. રેપો રેટમાં ફેરફાર MCLR દરને અસર કરે છે. MCLRમાં ફેરફાર લોનના વ્યાજ દરને અસર કરે છે, જેના કારણે લોન લેનારાઓની EMI વધે છે. HDFC બેન્કની વેબસાઈટ અનુસાર, નવા MCLR દર 7 નવેમ્બર, 2023થી અમલમાં આવ્યા છે.

ઓટો લોન, હોમ લોન અને પર્સનલ લોનની EMI વધશે

MCLRમાં વધારાની અસર હોમ લોન, ઓટો લોન, પર્સનલ લોન સહિત તેનાથી સંબંધિત તમામ પ્રકારની લોનના વ્યાજ રેટ્સ પર જોવા મળશે. લોન કસ્ટમર્સએ પહેલા કરતા વધુ EMI ચૂકવવા પડશે. નવી લોન લેનારા કસ્ટમર્સને મોંઘી લોન મળશે. બેન્કે દિવાળી પહેલા આવું કરીને કસ્ટમર્સને ચોંકાવી દીધા છે.

આ પણ વાંચો-Brain health: તમારી આ પાંચ આદતો તમારા મગજને નુકસાન પહોંચાડી શકે છે, જાણી લો એ આદતો વિશે