JTL Industries નું વેચામ એપ્રિલ-સપ્ટેમ્બરમાં 54% વધીને થઈ ગયુ 1.59 લાખ ટન

JTL Industries: સ્ટીલ પાઈપ મેન્યુફેક્ચરર જેટીએલ ઈંડસ્ટ્રીઝને નાણાકી વર્ષની એપ્રિલ-સપ્ટેમ્બર સમય માટે વેચાણમાં 54.66 ટકાના વધારાની સાથે 1.59 લાખ ટન (LT) દાર્જ કરી છે. જેટીએલ ઈન્ડસ્ટ્રીઝે રેગ્યુલેટરી ફાઈલિંગમાં જણાવ્યું હતું કે જુલાઈ-સપ્ટેમ્બરમાં વેચાણ વોલ્યુમમાં 56.78 ટકાનો વધારો દર્જ કર્યો છે, જે 81,686 ટન છે. કંપનીએ વેચાણ સંખ્યામાં વધારાનો શ્રેય ઘરેલૂ અને આંતરરાષ્ટ્રીય બન્ને બજારોમાં સંરચનાત્મક સ્ટીલ ટ્યૂબ અને પાઈપની મજબૂત માંગને આપી. ફાઈલિંગમાં કહેવામાં આવ્યુ છે કે નાણાકીય વર્ષ 2023 ના પહેલા સત્રમાં વેચાણ 1.02 લાખ ટન હતુ, ત્યારે તે નાણાકીય વર્ષના બીજા ક્વાર્ટરમાં વેચાણ 52,101 ટન હતુ.

મૂલ્ય વર્ધિત ઉત્પાદનોનું વેચાણ H1 નાણાકીય વર્ષ 24 માં વધીને 60,708 ટન થયું હતું જે H1 નાણાકીય વર્ષ 23 માં 40,221 ટન હતું. કંપનીના પ્રવક્તાએ જણાવ્યું હતું કે "આ ત્રિમાસિક ગાળામાં અમે Q2 નાણાકીય વર્ષ 23 સમયગાળામાં અમારું અત્યાર સુધીનું સૌથી વધુ ત્રિમાસિક વેચાણ વોલ્યુમ રેકોર્ડ કર્યું છે જે અમારા સ્થાનિક અને આંતરરાષ્ટ્રીય ગ્રાહકો તરફથી સતત સમર્થનને પ્રતિબિંબિત કરે છે. અમે મજબૂત વૃદ્ધિ દર દર્શાવતા અમારા અત્યાર સુધીના H1 વેચાણ વોલ્યુમને રેકોર્ડ કરીને એક નોંધપાત્ર સીમાચિહ્ન પ્રાપ્ત કર્યું છે. અમારા આંતરરાષ્ટ્રીય વેચાણ નાણાકીય વર્ષ 23 ના Q2 માં 3,837 ટનની તુલનામાં Q2 નાણાકીય વર્ષ 24 માં નોંધપાત્ર રીતે 14.49 ટકા વધીને 4,393 ટન થયું હતું."

સેક્ટર માટેના આઉટલૂક અંગે અધિકારીએ જણાવ્યું હતું કે કંપની ઉદ્યોગ માટે આશાવાદી દૃષ્ટિકોણ જાળવી રાખે છે કારણ કે ખાનગી અને સાર્વજનિક મૂડીરોકાણ ઉપરાંત ઇન્ફ્રાસ્ટ્રક્ચર તરફના ભારે સરકારી ખર્ચને કારણે માળખાકીય સ્ટીલની માંગ સતત વધશે. વધુમાં, ચોમાસાના અંત સાથે, નવા પ્રોજેક્ટ્સ શરૂ થવાની અપેક્ષા છે.

જેટીએલ ઈન્ડસ્ટ્રીઝ (અગાઉનું જેટીએલ ઈન્ફ્રા લિમિટેડ) ભારતમાં ઈલેક્ટ્રિક રેઝિસ્ટન્સ વેલ્ડેડ (ERW) સ્ટીલ પાઈપોનું સૌથી મોટું ઉત્પાદક છે, જેની ક્ષમતા વાર્ષિક 6 લાખ મેટ્રિક ટનથી વધુ ઉત્પાદન કરવાની ક્ષમતા ધરાવે છે.