કોમોડિટી બજાર: સોના-ચાંદીમાં તેજી સાથે કારોબાર, ક્રૂડમાં મજબૂતી સાથે કારોબાર

ડૉલર ઇન્ડેક્સમાં મજબૂતી આવતા સોનાની ચમક ફીકી પડતી દેખાઈ, અહીં કોમેક્સ પર સોનું 1956 ડૉલરની નીચે પહોંચતું દેખાયું, તો સ્થાનિક બજારમાં 59,270ના સ્તરની આસપાસ જોવા મળી રહ્યો છે.

ચાંદીમાં પણ દબાણ સાથેનો કારોબાર યથાવત્ રહેતો દેખાયો, અહીં વૈશ્વિક બજારમાં ભાવ 25 ડૉલરની નીચે યથાવત્ છે, જ્યારે સ્થાનિક બજારમાં 75,715 રૂપિયાના સ્તરની આસપાસ લગભગ એક ટકાના ઘટાડા સાથે કારોબાર નોંધાયો.

સ્થાનિક બજારમાં નેચરલ ગેસમાં એક ટકા જેટલી તેજી આવતા ભાવ 218ના સ્તરને પાર દેખાયો.

ડૉલર ઇન્ડેક્સમાં નીચલા સ્તરેથી રિકવરી આવતા બેઝ મેટલ્સમાં ફરી દબાણ જોવા મળ્યું, સ્થાનિક બજારમાં કોપર સહિત તમામ મેટલ્સમાં નરમાશ રહી, તો જુલાઈ મહિનામાં ચાઈનાની મેન્યુફેક્ચરિંગ એક્ટિવિટીમાં ઘટાડાને પગલે પણ કિંમતો પર દબાણ બન્યું છે.

નજર કરીએ એગ્રી કૉમોડિટીના કારોબાર પર તો, મસાલા પેકમાં જીરામાં લગભગ અડધા ટકાની તેજી સાથેનો કારોબાર જોવા મળ્યો પરંતુ હળદરમાં સવા બે ટકા તો ધાણામાં દોઢ ટકાની નરમાશ રહી, તો ગુવાર પેકમાં પણ ઘટાડા સાથેનો કારોબાર યથાવત્ રહ્યો. જ્યાં ગુવારગમમાં સવા એક ટકા તો ગુવાર સીડમાં પોણા ટકાનો ઘટાડો જોવા મળ્યો. જ્યારે કપાસિયા ખોળમાં આજે નીચલા સ્તરેથી રિકવરી આવતા દોઢ ટકાની તેજી જોવા મળી.