ડૉલર ઇન્ડેક્સમાં મજબૂતી અને બોન્ડ યીલ્ડમાં ઉછાળાના કારણે સોનાની ચમક ઘટતા કોમેક્સ પર ભાવ 1945 ડૉલરની પણ નીચે પહોંચ્યા, તો સ્થાનિક બજારમાં 59,067ના સ્તરની આસપાસ કારોબાર જોવા મળી રહ્યો છે.
કોમોડિટી બજાર: સોના-ચાંદીમાં દબાણ સાથે કારોબાર, ક્રૂડમાં વધારાની સાથે કારોબાર
સ્થાનિક બજારમાં નેચરલ ગેસમાં અડધા ટકાથી વધુના ઘટાડા સાથે 209ના સ્તરની આસપાસ કારોબાર જોવા મળી રહ્યો છે.
અપડેટેડ 05:54:46 PM Sep 07, 2023 પર
ચાંદીમાં પણ સોનાને પગલે નાની રેન્જમાં કારોબાર જોવા મળ્યો, અહીં વૈશ્વિક બજારમાં કિંમતો સતત 24 ડૉલરની નીચે યથાવત્ છે, તો સ્થાનિક બજારમાં 72,145ના સ્તરની આસપાસ કારોબાર જોવા મળી રહ્યો છે.
ક્રૂડ ઓઈલમાં વોલેટાઈલ કારોબાર રહ્યો, અહીં ગઈકાલના ઉછાળા બાદ ટેક્નિકલ કરેક્શન બાદ ક્રૂડમાં ઉપરના સ્તરેથી દબાણ બનતું જોવા મળ્યું જ્યાં બ્રેન્ટના ભાવ 91 ડૉલર નીચે આવતા જોવા મળ્યા. તો nymexમાં અડધા ટકાનું દબાણ બનતું જોવા મળ્યું. ઉલ્લેખનિય છે કે સાઉદી અરબ અને રશિયા ઉત્પાદન કાપ હવે ડિસેમ્બર સુધી યથાવત્ રાખશે, જેને કારણે બજારમાં ઓછી સપ્લાયનો ડર બની રહ્યો છે, આ સાથે જ APIનાં આંકડા મુજ USમાં ક્રૂડની ઇન્વેન્ટરી 5.5 મિલિયન બેરલથી ઘટી છે, જેની અસર પણ ક્રૂડની કિંમતો પર દેખાઈ રહી છે.
સ્થાનિક બજારમાં નેચરલ ગેસમાં અડધા ટકાથી વધુના ઘટાડા સાથે 209ના સ્તરની આસપાસ કારોબાર જોવા મળી રહ્યો છે.
યુરોપ તરફથી નબળા માગની ચિંતાએ LME પર આજે કોપર,લેડ અને એલ્યુમિનિયમમાં નરમાશ જોવા મળી, ડૉલર ઇન્ડેક્સમાં ઉછાળાની અસર પણ કિંમતો પર દેખાઈ રહી છે. તો સ્થાનિક બજારમાં પણ મેટલ્સ તરફથી મિશ્ર સંકેતો મળી રહ્યા છે.
મસાલા પેકમાં મિશ્ર કારોબાર યથાવત્ પણ હળદરમાં ગઈકાલની તેજી પર રોક લાગતી જોવા મળી તો જીરામાં નીચલા સ્તરેથી રીકવરી આવતી જોવા મળી જ્યારે ધાણામાં વેચવાલીનો માહોલ યથાવત્ છે. સાથે જ ગુવાર પેકમાં પણ નરમાશ યથાવત્ રહી છે. જ્યાં ગુવાર સીડમાં પા ટકા જેટલુ તો ગુવાર ગમમાં મામૂલી નરમાશ છે. તો એરંડામાં ફ્લેટ કારોબાર જોવા મળી રહ્યો છે. સાથે જ કપાસિયા ખોળમાં પણ ફ્લેટ ટૂ પોઝિટીવ કામકાજ થઈ રહ્યું છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
