કોમોડિટી બજાર: સોના-ચાંદીમાં દબાણ સાથે કારોબાર, ક્રૂડમાં વધરો સાથે કારોબાર

સોનાની કિંમતોમાં ઉતાર-ચઢાવ જોવા મળ્યા, જ્યાં ચાઈના તરફથી માગ વધવાની આશાએ કોમેક્સ પર ભાવ 2010 ડૉલરના સ્તરની ઉપર પહોંચ્યા, તો સ્થાનિક બજારમાં 61,600ના સ્તરને પાર કારોબાર જોવા મળી રહ્યો છે.

ચાંદીમાં પણ નીચલા સ્તરેથી રિકવરી આવી, તેમ છતા વૈશ્વિક બજારમાં ભાવ 23 ડૉલરની નીચે રહ્યા, તો સ્થાનિક બજારમાં 71,400ના સ્તરની આસપાસ કારોબાર જોવા મળી રહ્યો છે.

શરૂઆતી કારોબારમાં સ્થાનિક બજારમાં નેચરલ ગેસમાં સાડા ત્રણ ટકાની તેજી સાથે 244ના સ્તરને પાર કારોબાર જોવા મળ્યો.

ચાઈનાના નબળા આર્થિક આંકડાઓના કારણે બેઝ મેટલ્સમાં પણ નાની રેન્જમાં કામકાજ જોવા મળ્યું, જ્યાં સ્થાનિક બજારમાં તમામ મેટલ્સમાં લાલ નિશાનમાં કારોબાર જોવા મળ્યો.

એગ્રી કૉમોડિટીના કારોબાર પર નજર કરીએ તો, મસાલા પેકમાં હળદરમાં પોઝિટીવિટી રહી, પણ જીરા અને ધાણામાં ઉપલા સ્તરેથી મામુલી નરમાશ રહી, તો ગુવાર પેકમાં વેચવાલી બાદ ફરી રિકવરી આવતી દેખાઈ, જોકે કપાસિયા ખોળમાં પા ટકાનો પોઝિટીવ કારોબાર જોવા મળ્યો.