કોમોડિટી બજાર: સોના-ચાંદીમાં દબાણ સાથે કારોબાર, ક્રૂડમાં ઉપલા સ્તરથી દબાણ સાથે કારોબાર

ડૉલર ઇન્ડેક્સમાં આવેલી મજબૂતીના પગલે સોનાની ચમક ઘટતા કોમેક્સ પર સોનું 1929 ડૉલરની પણ નીચે પહોંચ્યું, તો સ્થાનિક બજારમાં પણ નેગેટીવ કામકાજ જોવા મળી રહ્યું છે. ઉલ્લેખનિય છે કે, ડૉલર ઇન્ડેક્સ વધીને 10 મહિનાના ઉપલા સ્તરની પાસે પહોંચ્યો સાથે જ US બોન્ડ યીલ્ડમાં પણ તેજી જોવા મળી, તો USમાં વધુ એકવાર ફેડ 25 bpsનો વ્યાજ દર વધારો કરે તેવી આશંકાએ સોનામાં દબાણ વધતું દેખાઈ રહ્યું છે.

સોનાને પગલે ચાંદીમાં પણ નરમાશ આવતા વૈશ્વિક બજારમાં ભાવ આશરે અડધા ટકા તૂટી 23 ડૉલરની આસપાસ આવ્યા, તો સ્થાનિક બજારમાં પણ મામૂલી દબાણ જોવા મળ્યું. અહીં ઇન્ડસ્ટ્રીયલ મેટલ તરફથી પણ ઓછી માગના કારણે કિંમતો તૂટતી દેખાઈ.

સ્થાનિક બજારમાં શરૂઆતી તેજી બાદ નેચરલ ગેસમાં દબાણ બનતું જોવા મળ્યું. જ્યાં એક ટકાના દબાણ સાથે કિંમતો 238ના સ્તર પહોંચતી જોવા મળી.

બેઝ મેટલ્સ તરફથી મિશ્ર સંકેતો મળી રહ્યા છે, જ્યાં LME પર નીચલા સ્તરેથી બાર્ગેઇન બાઈંગના કારણે કોપરની કિંમતોમાં રિકવરી રહી, પણ આઉટલૂક થોડું નેગેટીવ જ દેખાઈ રહ્યું છે, આ સાથે જ ચાઈનાના રિયલ એસ્ટેટ સેક્ટરમાં સંકટની આશંકાએ મેટલ્સની માગ ઘટવાનો ડર પણ બની રહ્યો છે. જોકે શરૂઆતી કારોબારમાં સ્થાનિક બજારમાં મોટાભાગની મેટલ્સમાં ગ્રીન ઝોનમાં કામકાજ જોવા મળ્યું હતું.

તો મસાલા પેકમાં વેચવાલી તરફી કરોબાર જોવા મળ્યો. જ્યાં હળદરમાં સૌથી વધુ ત્રણ ટકાનું દબાણ બનતું જોવા મળ્યું. તો ગુવાર પેકમાં પણ એક ટકા આસપાસનું દબાણ જોવા મળ્યું. તો એરંડામાં પણ પા ટકાનું દબાણ જોવા મળ્યું.