કોમોડિટી બજાર: સોના-ચાંદીમાં રિકવરી સાથે કારોબાર, ક્રૂડમાં ઘટાડા સાથે કારોબાર

સોનાના કારોબારમાં મામુલી ખરીદી સાથેનો કારોબાર જોવા મળ્યો. દિવસના અંતે સોનાની શરૂઆતી કારોબારની સેફ હેવન ડિમાન્ડમાં ઓછી થતી જોવા મળી. ત્યારે સ્થાનિક બજારમાં સોનામાં ફ્લેટ ટૂ પોઝિટીવ કારોબાર જોવા મળ્યો. તો વૈશ્વિક બજારમાં મામૂલી તેજી સાથે કિંમતો 1980ના સ્તરને પાર જોવા મળી રહી છે.

સોનાના પગલે ચાંદીમાં પણ ફ્લેટ કારોબાર જોવા મળી રહ્યો છે. જ્યાં વૈશ્વિક બજારમાં કિંમતો 25 ડૉલર પર યથાવત્ જોવા મળી રહી છે. તો સ્થાનિક બજારમાં કિંમતો 76,500 આસપાસ જોવા મળી છે.

સ્થાનિક બજારમાં નેચરલ ગેસની કિંમતોમાં ફરી રિકવરી આવતી જોવા મળી રહી છે. જ્યાં કિંમતો લગભગ બે ટકાની તેજી સાથે 219 પાર પહોંચતી જોવા મળી રહી છે.

બેઝ મેટલ્સના કારોબાર પર નજર કરીએ તો LME પર તમામ મેટલ્સમાં તેજી જોવા સાથે કારોબાર જોવા મળ્યો. તો સ્થાનકિ બજારમાં કોપર અને ઝિંકમાં સવા એક ટકા ઉપરની તેજી જોવા મળી. ત્યારે એલ્યુમિનિયમ અને લેડમાં અડધા ટકા આસપાસ ખરીદીનો માહોલ જોવા મળી રહ્યો છે. ઉલ્લેખનીય છે કે નબળા ડૉલરના કારણે LME પર મેટલ્સની કિંમતોને સપોર્ટ મળતો જોવા મળી રહ્યો છે.

મસાલા પેકમાં જીરામાં પોણા ચાર ટકાની તેજી સાથે ટ્રેન્ડ હજી પણ પોઝિટીવ છે, તો હળદરમાં લગભગ સાડા ત્રણ ટકાની તેજી જોવા મળી રહી છે. ધાણામાં સવા બે ટકા આસપાસની તેજી જોવા મળી રહી છે.