કોમોડિટી બજાર: સોના-ચાંદીમાં નબળાઈ સાથે કારોબાર, ક્રૂડમાં ઘટાડા સાથે કારોબાર

યૂએસ મોંઘવારીના આંકડા જાહેર થતા પહેલા સોનાની ચમક ઘટતી દેખાઈ, અહીં કોમેક્સ પર ભાવ 1928 ડૉલરના સ્તરની પાસે પહોંચ્યા, તો સ્થાનિક બજારમાં ફ્લેટ ટૂ નેગેટીવ કારોબાર સાથે 58,645ના સ્તરની આસપાસ કિંમતો પહોંચતી જોવા મળી રહી છે.

ચાંદીમાં પણ ફ્લેટ ટે નેગેટીવ કારોબાર રહ્યો, અહીં વૈશ્વિક બજારમાં ભાવ 23 ડૉલરની પાસે રહ્યા, તો સ્થાનિક બજારમાં 71,193ના સ્તરની આસપાસ કારોબાર જોવા મળી રહ્યો છે.

સ્થાનિક બજારમાં શરૂઆતી કારોબારમાં નેચરલ ગેસની કિંમતોમાં રિકવરી આવતા ભાવ સાડા ત્રણ ટકાથી વધારે વધીને 219ના સ્તરની ઉપર પહોંચતા દેખાઈ રહ્યા છે.

બેઝ મેટલ્સમાં બે દિવસના દબાણ બાદ રીકવરીનો માહોલ જોવા મળ્યા જ્યાં સ્થાનિક બજાર અને LME પર એલ્યુમિનિયમ અને લેડમાં ફ્લેટ ટૂ પોઝીટીવ કારોબાર જોવા મળ્યો. તો ઝિંક અને કોપરમાં દબાણ યથાવત્ જોવા મળી રહ્યું છે.

નજર કરીએ એગ્રી કૉમોડિટીના કારોબાર પર તો, તમામ એગ્રી કૉમોડિટીમાં ખરીદીનો માહોલ જોવા મળ્યો. મસાલા પેકમાં સૌથી વધુ હળદરમાં છ ટકાની ખરીદી જોવા મળી. તો જીરામાં ત્રણ ટકા આસપાસની તેજી જોવા મળી. જ્યારે ધાણામાં પોણા બે ટકાની તેજી જોવા મળી. તો બીજી બાજુ ગુવાર ગમમાં ત્રણ ટકા તો ગુવાર સીડમાં પોણા બે ટકાની તેજી જોવા મળી. ચોમાસાની શરૂઆતમાં સારા વરસાદથી એગ્રી કોમોડિટીમાં તેજી નો માહોલ જોવા મળી રહ્યો છે.