કોમોડિટી બજાર: સોના-ચાંદીમાં નબળાઈ સાથે કારોબાર, ક્રૂડમાં રિકવી સાથે કારોબાર

ડૉલર ઇન્ડેક્સમાં રિકવરી આવતા સોનામાં ફ્લેટ કારોબાર જોવા મળ્યો, અહીં કોમેક્સ પર ભાવ 1978 ડૉલરની આસપાસ રહ્યા, તો સ્થાનિક બજારમાં 59,741 રૂપિયાના સ્તરની આસપાસ કિંમતો પહોંચતી દેખાઈ રહી છે.

ચાંદીમાં પણ શરૂઆતી કારોબારની તેજી બાદ ઉપરના સ્તરેથી દબાણ બનતું જોવા મળ્યું, અહીં વૈશ્વિક બજારમાં ભાવ 25 ડૉલરની પાસે રહ્યા, તો સ્થાનિક બજારમાં 76,110 રૂપિયાના સ્તરની આસપાસ કારોબાર નોંધાઈ રહ્યો છે.

સ્થાનિક બજારમાં નેચરલ ગેસમાં અડધા ટકાથી વધુના ઘટાડા સાથે 214ના સ્તરની આસપાસ કિંમતો પહોંચતી જોવા મળી રહી છે.

ડૉલર ઈન્ડેક્સમાં રિકવરીને કારણે LME પર તમામ બેઝ મેટલ્સ લાલ નીશાનમાં કારોબાર કરતી જોવા મળી. તો સ્થાનિક બજારમાં પણ તમામ મેટલ્સમાં દબાણ સાથેનો કારોબાર જોવા મળ્યો. જ્યાં સૌથી વધુ ઝિંકમાં દબાણ જોવા મળ્યું. તો લેડમાં ફ્લેટ કારોબાર જોવા મળ્યો. ચાઈનાના નબળા ગ્રોથ આંકડાઓના કારણે કોપરની કિંમતો પર દબાણ બન્યું.

મસાલા પેકમાં તેજી યથાવથ્ જોવા મળી રહી છે. જ્યાં હળદરમાં પાંચ ટકા ઉપરની તેજી જોવા મળી. તો ધાણામાં દોઢ ટકાની તેજી જોવા મળી. પણ જીરામાં અઢી ટકા ઉપરનું દબાણ જોવા મળ્યું. જ્યારે ગુવાર પેકમાં પણ દબાણ જોવા મળ્યું. જ્યાં ગુવાર ગમમાં સવા ટકા તો ગુવાર સીડમાં પોણા ટકાનું દબાણ જોવા મળ્યું.