કોમોડિટી બજાર: સોના-ચાંદીમાં ઘટાડા સાથે કારોબાર, ક્રૂડમાં વધાર સાથે કારોબાર

સોનાનો કારોબારમાં નરમાશ યથાવત્ જોવા મળ્યો. જ્યાં નબળા ડૉલરના કારણે કોમેક્સ પર સોનામાં અડધા ટકા આસપાસની નરમાશ સાથે કિંમતો 1921 ડૉલર જોવા મળી. જ્યારે સ્થાનિક બજારમાં પા ટકાની નરમાશ જોવા મળી. બજારની નજર હવે જૂન મહિનાના USના આવનાર મેન્યુફેક્ચરિંગ આંકડાઓ પર બનેલી છે.

ચાંદીમાં પણ ફ્લેટ કામકાજ થઈ રહ્યું છે, અહીં વૈશ્વિક બજારમાં ભાવ આ સપ્તાહની શરૂઆતમાં પણ 23 ડૉલરની પાસે રહ્યા, તો સ્થાનિક બજારમાં 70007ના સ્તરની આસપાસ કારોબાર જોવા મળી રહ્યો છે.

ત્યારે નેચરલ ગેસમાં શરૂઆતી કારબોરથી દબાણ યથાવત્ જોવા મળી રહ્યું છે. જો કે કિંમતોમાં મામૂલી રિકવરી જોવા મળી. ત્યારે સ્થાનિક બજારમાં અઢી ટકાના દબાણ સાથે કિંમતો 224 આસપાસ પહોંચતી જોવા મળી.

ચાઈનાના મેન્યુફેક્ચરિંગ આંકડા મજબૂત રહેતા LME અને સ્થાનિક બજારમાં મિશ્ર કારોબાર જોવા મળ્યો. જ્યાં સ્થાનિક બજારમાં કોપરમાં પા ટકાની તેજી જોવા મળી તો બાકી બેઝ મેટલ્સ લાલ નીશાનમાં કારોબાર કરતા જોવા મળ્યા.

નજર કરીએ એગ્રી કૉમોડિટીના કારોબાર પર તો, હળદરમાં ત્રણ ટકાથી વધુની તેજી સાથે NCDEX પર કિંમતો 10,186ના સ્તરની ઉપર નીકળતી દેખાઈ, ધાણામાં પણ દોઢ ટકાથી વધુની તેજી જોવા મળી, પણ જીરામાં પોણા ત્રણ ટકાનો ઘટાડો નોંધાઈ રહ્યો છે. આ સાથે જ ગુવાર પેકમાં શરૂઆતી કારોબારની તેજી બાદ ઉપરના સ્તરેથી દબાણ આવતુ જોવા મળ્યું. તો બીજી બાજુ ઈસબગુલમાં પણ એક ટકાની તેજી જોવા મળી.