કોમોડિટી બજાર: સોના-ચાંદીમાં ઘટાડા સાથે કારોબાર, ક્રૂડમાં ઘટાડા સાથે કારોબાર

ફેડ દ્વારા આ વર્ષે હજી 2 વાર વ્યાજ દર વધારાના સંકેતો અપાતા સોનામાં નરમાશ જોના મળી, જ્યાં કોમેક્સ પર ભાવ 1933ના સ્તરની પાસે પહોંચતા દેખાયા, તો સ્થાનિક બજારમાં પણ લગભગ પોણા ટકાથી વધુનું દબાણ જોવા મળી રહ્યું છે. આ સાથે જ કોમેક્સ પર ઓગસ્ટ વાયદો માર્ચ બાદથી સૌથી નીચલા સ્તરે પહોંચતો દેખાયો. તો બીજી બાજું સરકારે 2023-24 માટે સૉવરેન ગોલ્ડ બોન્ડ સ્કીમની જાહેરાત કરી દીધી છે, ગોલ્ડ બોન્ડનો પહેલો તબક્કો 19-23 જૂન વચ્ચે રહેશે, તો બીજો તબક્કો 11-15 સપ્ટેમ્બરની વચ્ચે રહેશે અને સ્કીમમાં વાર્ષિક 2.50 ટકાનું વ્યાજ મળશે.

ચાંદીમાં પણ દબાણ વધતું દેખાયું, અહીં વૈશ્વિક બજારમાં કિંમતો 23 ડૉલરની નજીક આવતી દેખાઈ, તો સ્થાનિક બજારમાં પણ બે ટકાથી વધુનો ઘટાડો જોવા મળી રહ્યો છે.

નેચરલ ગેસમાં પણ ઉત્તાર-ચઢાવનો કારોબાર જોવા મળ્યો. જ્યાં નેચરલ ગેસમાં શરૂઆતી દબાણ બાદ પોણા ટકાની તેજી જોવા મળી. નેચરલ ગેસની કિંમતો 194 આસપાસ પહોંચતી જોવા મળી.

ડૉલર ઈન્ડેક્સની મજબૂતી અને ચાઈના તરફથી નબળા આર્થિક આંકડાઓને કારણે LME અને સ્થાનિક બન્ને બજારમાં વોલેટાઈલ કારોબાર જોવા મળ્યો. જ્યાં સ્થાનિકબજારમાં એલ્યુમિનયમમાં અડધા ટકાની નરમાશ જોવા મળી તો કોપર, ઝિંક અને લેડમાં ફ્લેટ કારોબાર જોવા મળ્યો. તો બીજ બાજુ LME પર લેડમાં સૌથી વધું બે ટકાની તેજી જોવા મળી. જ્યારે બાકી મેટલ્સમાં વેચવાલીનો કારોબાર જોવા મળ્યો.

નજર કરીએ એગ્રી કૉમોડિટી પર તો મસાલા પેકમાં મિશ્ર કારોબાર જોવા મળી રહ્યો છે. જ્યાં હળદરમાં સાડા ચાર ટકાની સારી તેજી જોવા મળી તો ધાણામાં પણ એક ટકાની ખરીદદારી જોવા મળી. તો સામે જીરામાં એક ટકાના ઘટાડા સાથેનો કારોબાર જોવા મળ્યો. તો ગુવારપેકમાં દબાણ યથાવત્ છે. જ્યાં ગુવાર ગમમાં દોઢ ટકાના ઘટાડા સાથેનો કારોબાર છે.