કમોડિટી લાઈવ: ક્રૂડમાં ઉછાળો, બ્રેન્ટ $76ની ઉપર, સોના-ચાંદીમાં વોલેટાઈલ કારોબાર

US બોન્ડ યીલ્ડ અને ડૉલર ઇન્ડેક્સમાં વધારાના કારણે સોનાની કિંમતો પર અસર જોવા મળી, COMEX પર સોનું 1918 ડૉલરની પાસે રહ્યું, જ્યારે સ્થાનિક બજારમાં 58,450 રૂપિયાના સ્તરની આસપાસ કિંમતો પહોંચતી દેખાઈ રહી છે.

ચાંદીમાં પણ વોલેટાઈલ કારોબાર નોંધાયો, અહીં શરૂઆતી કારોબારમાં વૈશ્વિક બજારમાં કિંમતો 23 ડૉલરની પાસે પહોંચતી દેખાઈ, તો સ્થાનિક બજારમાં ફ્લેટ ટૂ નેગેટીવ સંકેતો યથાવત્ રહેતા દેખાઈ શકે છે.

USમાં ઇન્વેન્ટરીઝ ઘટતા ક્રૂડની કિંમતોને સપોર્ટ મળ્યો, જેમાં બ્રેન્ટના ભાવ 76 ડૉલરની ઉપર પહોંચ્યા, તો NYMEX ક્રૂડમાં 71 ડૉલરના સ્તરની ઉપર કારોબાર જોવા મળી રહ્યો છે. USમાં ઇન્વેન્ટરીઝ 4.38 મિલિયન બેરલ્સથી ઘટી જેની પોઝિટીવ અસર ક્રૂડ પર બનતી દેખાઈ રહી છે.

સ્થાનિક બજારમાં નેચરલ ગેસમાં આશરે અડધા ટકાનો ઘટાડો આવતા ભાવ 220ના સ્તરની આસપાસ પહોંચતા દેખાયા.

નજર કરીએ એગ્રી કૉમોડિટીના કારોબાર પર તો, મસાલા પેકમાં જીરા અને ધાણામાં તેજીનો ટ્રેન્ડ હજી પણ યથાવત્ છે, જ્યારે હળદરમાં અડધા ટકાનું દબાણ જોવા મળ્યું. તો ગુવાર પેકમાં પણ નરમાશ રહી, કપાસિયા ખોળમાં પણ પા ટકાથી વધુનો ઘટાડો નોંધાઈ રહ્યો છે.