કમોડિટી લાઈવ: ક્રૂડમાં તેજી, બ્રેન્ટ $83ની ઉપર, સોના-ચાંદીની ચમક વધી

USમાં વ્યાજ દર વધતા સોનાની કિંમતોને સપોર્ટ મળ્યો, જ્યાં COMEX પર ભાવ 1977 ડૉલરની ઉપર પહોંચ્યો, તો સ્થાનિક બજારમાં ભાવ ₹59,575ના સ્તરની પાસે પહોંચતા જોવા મળી રહ્યા છે. તો બજરની નજર આજે થનાર ECBની બેઠક પર બનેલી છે.

ચાંદીમાં પણ રિકવરી આવતા વૈશ્વિક બજારમાં ભાવ 25 ડૉલરની ઉપર પહોંચતા દેખાયા, તો સ્થાનિક બજારમાં અડધા ટકાની મજબૂતી દખાઈ રહી છે.

ક્રૂડ ઓઈલમાં તેજીનો ટ્રેન્ડ યથાવત્ છે, અહીં બ્રેન્ટની કિંમતો 83 ડૉલરની ઉપર નીકળી, તો NYMEX ક્રૂડમાં આશરે 1 ટકાથી વધુની તેજી સાથે 79 ડૉલરની ઉપર કારોબાર જોવા મળી રહ્યો છે. આ સાથે જ 4 સપ્તાહમાં ક્રૂડના ભાવ આશરે 15% વધતા દેખાયા..ખાસ કરીને ઓછી સપ્લાય અને વધુ માગની સ્થિતિના કારણે ક્રૂડને સપોર્ટ મળી રહ્યો છે.

સ્થાનિક બજારમાં નેચરલ ગેસમાં પા ટકાથી વધુના દબાણ સાથે 220ના સ્તરની આસપાસ કારોબાર જોવા મળી રહ્યો છે.

નજર કરીએ એગ્રી કૉમોડિટીના કારોબાર પર તો, ગુવાર પેકમાં ફરી મિશ્ર કારોબાર જોવા મળ્યો, ગુવારગમમાં પા ટકાથી વધુની તેજી યથાવત્ છે, પણ ગુવારસીડમાં ફ્લેટ ટૂ નેગેટીવ કારોબાર રહ્યો, તો મસાલા પેક તરફથી પણ દબાણના સંકેતો મળ્યા, સાથે જ એરંડામાં પણ અડધા ટકાથી વધુનો ઘટાડો જોવા મળી રહ્યો છે.