કમોડિટી લાઈવ: ક્રૂડમાં નીચલા સ્તરેથી ફરી રિકવરી, સોના-ચાંદી ચમકમાં વધારો

ડૉલર ઇન્ડેક્સમાં દબાણ અને સેફ હેવન બાઈંગના કારણે સોનાને સપોર્ટ મળ્યો, comex પર સોનું 1960 ડૉલરના સ્તરની ઉપર નીકળ્યું, તો સ્થાનિક બજારમાં 59,300 રૂપિયાના સ્તરની આસપાસ કારોબાર જોવા મળી રહ્યો છે...આ સાથે જ જેમ્સ એન્ડ જ્વેલરી એક્સપોર્ટ પ્રમોશન કાઉન્સિલના ડેટા જોઈએ તો, ભારતનો જેમ્સ એન઼્ જ્વેલરી એક્સપોર્ટ જૂન મહિનામાં 39.6% ઘટીને 1.53 બિલિયન ડૉલરની પાસે પહોંચ્યો છે.

ચાંદીમાં પણ રિકવરી જોવા મળી, અહીં વૈશ્વિક બજારમાં 24 ડૉલરની ઉપર કારોબાર નોંધાયો, તો સ્થાનિક બજારમાં આશરે પા ટકાથી વધુની તેજી સાથે `75,820ના સ્તરની આસપાસ કિંમતો જોવા મળી રહી છે.

મોટા ઘટાડા બાદ ક્રૂડની કિંમતોમાં ફરી રિકવરી જોવા મળી, જ્યાં બ્રેન્ટના ભાવ 78 ડૉલરની ઉપર નીકળ્યા, તો nymex ક્રૂડમાં અડધા ટકાથી વધુની તેજી જોવા મળી રહી છે. ઉલ્લખનિય છે કે શોર્ટ કવરિંગ અને અનુમાન કરતા સારા US અર્થતંત્રના આંકડાઓના કારણે કિંમતોને સપોર્ટ મળ્યો છે.

ક્રૂડ ઓઈલમાં કારોબાર

કિંમતોમાં મોટા ઘટાડા બાદ રિકવરી જોવા મળી. WTI ક્રૂડની કિંમતો ઘટીને 75 ડૉલર પ્રતિ bblના સ્તરે પહોંચી હતી. ચાઈનાના નબળા આંકડાઓથી કિંમતો ઘટી હતી. લિબીયાની 3 માંથી 2 ફિલ્ડમાં શરી કામકાજ શરૂ થયું. ઓગસ્ટમાં US શેલ આઉટપુટ 9.40 mbpd રહી શકે. શોર્ટ કવરિંગ અને અનુમાન કરતા સારા USનાં આંકડાઓના કારણે સપોર્ટ મળ્યો.

વધશે ક્રૂડની માગ?

OPECને કાચા તેલની માગ વધવાની આશા છે. 2023માં માગ 90000 BPD વધવાની આશા છે. 2024માં માગ 24.4 BPD વધવાની આશા છે.

OPECએ શું કહ્યું?

2024માં ચાઈનામાં માગ વધવાની આશા છે. આવતા વર્ષે અમેરિકામાં ઉત્પાદન ઘટી શકે છે. 2024માં USનું ઉત્પાદન 500,000 BPD સંભવ છે. 2023માં USનું ઉત્પાદન 730,000 BPD રહી શકે છે.

સ્થાનિક બજારમાં નેચરલ ગેસમાં અડધા ટકાથી વધુની તેજી સાથે 208ના સ્તરની આસપાસ કારોબાર જોવા મળી રહ્યો છે.

નજર કરીએ એગ્રી કૉમોડિટીના કારોબાર પર તો, ગઈકાલની ગુવાર પેકની જંગી તેજી આજે ઓછી થતી દેખાઈ, પણ પોઝિટીવિટી યથાવત્ છે, પણ મસાલા પેક તરફથી મિશ્ર સંકેતો મળી રહ્યા છે, અહીં જીરામાં 3 તો ધાણામાં 1 ટકાની તેજી છે, પણ NCDEX દ્વારા હળદર વાયદા પર 2.5%ના વધારાના માર્જિન 7 ઓગષ્ટ સુધી લંબાવ્યા હોવાથી ભાવ આશરે 1 ટકા જેટલા તૂટતા દેખાયા. તો મગફળીમાં ગઈકાલની મંદી આજે પણ યથાવત્ છે. જ્યારે ઇસબગુલમાં લગભગ દોઢ ટકાની મજબૂતી જોવા મળી, પણ એરંડામાં નફાવસુલીનું દબાણ દેખાઈ રહ્યું છે.