કમોડિટી લાઇવ: ક્રૂડમાં નીચલા સ્તરેથી આવી રિકવરી, સોના-ચાંદીમાં દબાણ યથાવત

સપ્લાય ઓછી થવાની આશંકાએ ક્રૂડની કિંમતોમાં ફરી એકવાર નીચલા સ્તરેથી રિકવરી જોવા મળી રહી છે, જ્યાં બ્રેન્ટમાં 90 ડૉલરની ઉપર કારોબાર રહ્યો, તો nymex ક્રૂડમાં 89 ડૉલરની ઉપર કિંમતો પહોંચતી જોવા મળી રહી છે...પણ સ્થાનિક બજારમાં આશરે 1 ટકાથી વધુની નરમાશ જોવા મળી. આ સાથે જ APIનાં આંકડા મુજબ ગત સપ્તાહે USમાં ઇન્વેન્ટરી 4.2 મિલિયન bblથી ઘટી છે, સાથે જ બજારની નજર હવે OPEC+ની બેઠક પર બનેલી છે.

ક્રૂડ ઓઈલમાં કારોબાર

ક્રૂડમાં રિકવરીના કારણો

સપ્લાયમાં ઘટાડાથી કિંમતોને સપોર્ટ છે. સાઉદી અને રશિયા વર્ષના અંત સુધી ઉત્પાદન ઘટાડશે. રશિયાએ એક્સપોર્ટ પ્રતિબંધનો સમય નક્કી નથી કર્યો. પાછલા સપ્તાહે USની ઇન્વેન્ટરી 42 લાખ બેરલ ઘટી છે.

AIRAમાં SEBI ચેરપર્સન સંબોધન કરી રહ્યા છે. ગઈકાલના ઘટાડા બાદ સ્થાનિક બજારમાં નેચરલ ગેસમાં રિકવરી આવતા 245ના સ્તરની આસપાસ કારોબાર જોવા મળી રહ્યો છે.

મજબૂત ડૉલર ઇન્ડેક્સ અને બોન્ડ યીલ્ડના કારણે સોનાની કિંમતો પર દબાણ યથાવત્ છે, જ્યાં comex પર ભાવ 1821 ડૉલરના સ્તરની પાસે પહોંચ્યા, તો સ્થાનિક બજારમાં 56,225ના સ્તરની આસપાસ કારોબાર જોવા મળી રહ્યો છે.

ચાંદીમાં પણ ગઈકાલનું દબાણ યથાવત્ રહેતા વૈશ્વિક બજાર અડધા ટકાના ઘટાડા સાથે ભાવ 21 ડૉલરની પાસે પહોંચ્યા, તો સ્થાનિક બજારમાં પણ અડધા ટકાની નરમાશ જોવા મળી રહી છે.

સ્ટોકમાં વધારાના કારણે LME પર એલ્યુમિનિયમની કિંમતો ઘટી, સાથે જ મેટલ્સમાં મજબૂત ડૉલરની પણ અસર જોવા મળી રહી છે, તો સ્થાનિક બજારમાં પણ મોટાભાગની મેટલ્સમાં દબાણ સાથેનો કારોબાર જોવા મળી રહ્યો છે.

એલ્યુમિનિયમમમાં કારોબાર

કિંમતો 5 મહિનાના ઉપલા સ્તરેથી ઘટી છે. રાતોરાત ભાવમાં 1.5%નો ઘટાડો નોંધાયો. સપ્ટેમ્બરમાં મહિના દર મહિના ધોરણે કિંમતો 5% વધી. ફેડના અનિશ્ચિત નિવેદનો અને ડૉલર ઇન્ડેક્સમાં ઉછાળાની અસર છે. ગત સપ્તાહે શંઘાઈ પર ઇન્વેન્ટરી 13% ઘટી છે.

નજર કરીએ એગ્રી કૉમોડિટીના કારોબાર પર તો, ગઈકાલની નરમાશ બાદ ગુવારપેકમાં રિકવરી આવતા ગુવારગમમાં 1 ટકાથી વધુની તેજી જોવા મળી, પણ મસાલા પેકમાં જીરામાં નરમાશ, પણ હળદર અને ધાણામાં અડધા ટકા જેટલી મજબૂતી રહી,જ્યારે એરંડામાં ફ્લેટ ટૂ પોઝિટીવ કામકાજ રહ્યું,તો કપાસિયા ખોળમાં અડધા ટકા જેટલી મજબૂતી સાથેનો કારોબાર નોંધાઈ રહ્યો છે.