કોમોડિટી લાઇવ: ક્રૂડમાં 9 મહિનાના ઉપલા સ્તરેથી ઘટાડો, નેચરલ ગેસમાં વોલેટાઈલ કામકાજ

નબળા ડૉલર અને ચાઈનીઝ સેન્ટ્રલ બેન્ક તરફથી ખરીદદારીના કારણે સોનાની કિંમતોમાં રિકવરી જોવા મળી, જ્યાં COMEX પર ભાવ 1923 ડૉલરના સ્તરની ઉપર પહોંચ્યા, સ્થાનિક બજારમાં 58,960 રૂપિયાના સ્તરની આસપાસ કારોબાર જોવા મળી રહ્યો છે.

ચાંદીમાં પણ ફ્લેટ ટૂ પોઝિટીવ કામકાજ થઈ રહ્યું છે, જ્યાં વૈશ્વિક બજારમાં કિંમતો આશરે અડધા ટકાની તેજી સાથે 23 ડૉલરની ઉપર પહોંચતી દેખાઈ, જ્યારે સ્થાનિક બજારમાં 71,920ના સ્તરની આસપાસ કારોબાર જોવા મળી રહ્યો છે...અહીં પણ ડૉલરમાં નરમાશની અસર દેખાઈ રહી છે.

ક્રૂડ ઓઈલમાં વોલેટાઈલ કારોબાર થઈ રહ્યો છે, જ્યાં ગત સપ્તાહે લગભગ 2%ની તેજી જોવા મળી, ત્યાંથી કિંમતોમાં ઘટાડો નોંધાયો અને હાલ બ્રેન્ટના ભાવ 90 ડૉલરની પાસે પહોંચતા દેખાઈ રહ્યા છે. તો NYMEX ક્રૂડમાં પણ નફાવસુલી જોવા મળી, અને સ્થાનિક બજારમાં પણ ફ્લેટ ટૂ નેગેટીવ કામકાજ થઈ રહ્યું છે.

સ્થાનિક બજારમાં નેચરલ ગેસમાં આશરે 1 ટકાથી વધુના ઘટાડા સાથે 212ના સ્તરની આસપાસ કારોબાર જોવા મળી રહ્યો છે.

નજર કરીએ એગ્રી કૉમોડિટીના કારોબાર પર તો, NCDEXએ હળદર અને જીરા પર વધારાના 2.5%ના માર્જિન 3 ઓક્ટોબર સુધી લંબાવવાનો નિર્ણય લીધો છે, જેને કારણે આજે હળદર અને જીરામાં આશરે 1 ટકાથી વધુનો ઘટાડો જોવા મળ્યો, સાથે જ ધાણામાં પણ 1 ટકા જેટલી નરમાશ રહી, તો ગુવાર ગમ અને ગુવાર સીડમાં પણ દબાણ દેખાઈ રહ્યું છે. જોકે કપાસિયા ખોળમાં અડધા ટકાથી વધુની મજબૂતી સાથેનો કારોબાર નોંધાયો.

સોનામાં રોકાણની સોનેરી તક

આજથી RBIએ સૉવરેન ગોલ્ડ બોન્ડ સ્કીમ 2 ની બીજી શ્રેણી જાહેર કરી છે. આજથી ખૂલી સૉવરેન ગોલ્ડ બોન્ડ સ્કીમ 2ની બીજી શ્રેણી. આજથી 15 સપ્ટેમ્બર સુધી ઓછી કિંમતે સોનું ખરીદવાની તક છે. ઈશ્યુ પ્રાઇસ 5,923 રૂપિયા પ્રતિ ગ્રામ છે. ઓનલાઈન અને ઓફલાઈન બંને મોડમાં ખરીદી શકાય છે. ઓનલાઈન ખરીદી પર પ્રતિ ગ્રામ 50 રૂપિયાનું ડિસ્કાઉન્ટ મળશે.

ડિસ્કાઉન્ટ સાથે બોન્ડની કિંમત ઘટીને 5,873 રૂપિયા પ્રતિ ગ્રામ થશે. નિશ્ચિત કિંમત પર 2.50 ટકા વ્યાજ આપવામાં આવશે. સોવરિન ગોલ્ડ બોન્ડની પાકતી મુદત 8 વર્ષ છે. પાંચ વર્ષ પછી ગ્રાહકોને બહાર નીકળવાનો વિકલ્પ મળે છે. SHCIL,પોસ્ટ ઓફિસ અને NSE-BSE દ્વારા ખરીદી શકાય છે.

વ્યક્તિને એક વર્ષમાં વધુમાં વધુ 4 કિલો સોનું ખરીદવાની છૂટ છે. ટ્રસ્ટ અને સંસ્થાઓ એક વર્ષમાં 20 કિલો સોનું ખરીદી શકે છે. RBIએ નાણાકીય વર્ષ 2023-24 માટે બોન્ડની બીજી શ્રેણી બહાર પાડી છે.