USમાં ક્રૂડનો સ્ટોક ઘટવાથી રાતોરાત કિંમતોમાં 3%થી વધુનો ઉછાળો આવતા બ્રેન્ટનો ભાવ 97 ડૉલરની ઉપર પહોંચ્યો, NYMEX ક્રૂડમાં પણ અડધા ટકાથી વધુની તેજી જોવા મળી, તો સ્થાનિક બજારમાં એક ટકાથી વધુની મજબૂતી સાથેનો કારોબાર જોવા મળી રહ્યો છે.
કોમોડિટી લાઇવ: ક્રૂડમાં ઉછાળો, બ્રેન્ટ $98ની પાસે, ડૉલરમાં ઉછાળાથી સોના-ચાંદી પર દબાણ
સોનાની કિંમતો ઘટીને 6 મહિનાના નીચલા સ્તરે પહોંચી, COMEX પર સોનું 1900 ડૉલરની નીચે આવ્યું, ચાંદીમાં પણ ઘટાડો યથાવત્, ડૉલર ઇન્ડેક્સ અને US બોન્ડ યીલ્ડમાં આવેલા ઉછાળાથી સોના-ચાંદીની ચમક ઘટી.
અપડેટેડ 01:18:38 PM Sep 28, 2023 પર
રાતોરાત ક્રૂડની કિંમતોમાં નોંધાયો 3%થી વધુનો ઉછાળો, બ્રેન્ટના ભાવ 97 ડૉલરના સ્તરની સાથે આ વર્ષના ઉપલા સ્તરે પહોંચ્યા, USમાં ઘટતી ઇન્વેન્ટરી અને સપ્લાઈની ચિંતાના કારણે કિંમતોમાં આવી તેજી.
સ્થાનિક બજારમાં નેચરલ ગેસમાં અડધા ટકાથી વધુના દબાણ સાથે 242ના સ્તરની આસપાસ કારોબાર જોવા મળી રહ્યો છે.
USના unemployment claimsના રિપોર્ટ પહેલા સોનાની કિંમતોમાં નરમાશ જોવા મળી, જ્યાં COMEX પર ભાવ 1900 ડૉલરના સ્તરની પણ નીચે આવ્યા, તો સ્થાનિક બજારમાં ભાવ 57,510ના સ્તરની આસપાસ કારોબાર જોવા મળી રહ્યો છે. અહીં ડૉલર ઇન્ડેક્સમાં મજબૂતી આવતા સોનાની કિંમતો ઘટીને 6 મહિનાના નીચલા સ્તરની પાસે પહોંચી છે.
ચાંદીમાં પણ સોનાને પગલે દબાણ રહ્યું, જ્યાં વૈશ્વિક બજારમાં 23 ડૉલરની નીચે અને સ્થાનિક બજારમાં 70,524ના સ્તરની આસપાસ કારોબાર જોવા મળી રહ્યો છે.
ડૉલર ઇન્ડેક્સમાં આવેલી મજબૂતીના કારણે કોપરની કિંમતો પર દબાણ વધ્યું, સાથે જ ચાઈનાના રિઅલ એસ્ટેટ સેક્ટર પર આવેલા સંકટના કારણે પણ મેટલ્સ પર દબાણ બની રહ્યું છે, શરૂઆતી કારોબારમાં સ્થાનિક બજારમાં તમામ મેટલ્સમાં રેન્જબાઉન્ડ કામકાજ જોવા મળ્યું.
નજર કરીએ એગ્રી કૉમોડિટીના કારોબાર પર તો, સતત ત્રીજા દિવસે ગુવાર પેકમાં દબાણ યથાવત્ રહેતું દેખાયું, તો મસાલા પેક તરફથી મિશ્ર સંકેતો સાથે ધાણા અને હળદરમાં મજબૂતી રહી પણ જીરામાં નફાવસુલીનું દબાણ બન્યું, જોકે કપાસિયા ખોળમાં ફ્લેટ ટૂ પોઝિટીવ કામકાજ થઈ રહ્યું છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
