કમોડિટી લાઇવ: ક્રૂડમાં તેજી, બ્રેન્ટ $86ની ઉપર, સોના-ચાંદીમાં સુસ્ત કામકાજ

US મોંઘવારીના આંકડા પહેલા સોનામાં રેન્જબાઉન્ડ કારોબાર જોવા મળ્યો, જ્યાં COMEX પર કિંમતો મડૉલરના સ્તરની પાસે રહી, તો સ્થાનિક બજારમાં 59,452ના સ્તરની આસપાસ કારોબાર થઈ રહ્યો છે. ઉલ્લેખનિય છે કે, ગત સપ્તાહે કિંમતોમાં 1% સુધીનો ઘટાડો નોંધાયો હતો.

ચાંદીમાં પણ સોનાને પગલે દબાણ આવતા વૈશ્વિક બજારમાં ભાવ પા ટકાથી વધારે તૂટી 24 ડૉલરની પણ નીચે પહોંચ્યા, જ્યારે સ્થાનિક બજારમાં પણ પા ટકાથી વધુના ઘટાડા સાથે 72.220ના સ્તરની આસપાસ કારોબાર દેખાઈ રહ્યો છે.

US અને ચાઈનાના CPI આંકડા જાહેર થતા પહેલા NYMEX ક્રૂડમાં દબાણ આવતા ભાવ 82 ડૉલરની પાસે રહેતા દેખાયા, પણ રશિયા અને સાઉદી અરબ તરફથી ઉત્પાદન ઘટવાના કારણે બ્રેન્ટમાં સતત ત્રીજા મહિને તેજી યથાવત્ રહેતી દેખાઈ, જ્યાં બ્રેન્ટ 86 ડૉલરની ઉપર પહોંચતું દેખાયું, આ સાથે OPEC+એ પોતાના લક્ષ્યમાં કોઈ ફેરફાર નથી કર્યો જેની અસર પણ કિંમતો પર દેખાઈ રહી છે.

સ્થાનિક બજારમાં નેચરલ ગેસમાં 1 ટકાથી વધુની તેજી સાથે 215ના સ્તરની આસપાસ કારોબાર જોવા મળી રહ્યો છે.

નજર કરીએ એગ્રી કૉમોડિટીના કારોબાર પર તો, ગુવાર પેકમાં તેજીની એક્શન આવતા ગુવારસીડમાં 3 ટકા અને ગમમાં 4 ટકાથી વધુની તેજી જોવા મળી, તો સમાલા પેકમાં જીરા, ધાણા અને હળદરમાં રિકવરી સાથેનો કારોબાર થઈ રહ્યો છે...પણ એરંડામાં પા ટકાથી વધુની નરમાશ જોવા મળી, સાથે જ કપાસિયા ખોળમાં પણ નાની રેન્જમાં કારોબાર થઈ રહ્યો છે.